АҞӘА, лаҵарамза 6 — Sputnik. Урыстәылатәи аруаа агуманитартә цхыраара рырҭеит шьамтәылатәи апровинциақәа Алеппои Дераи руааԥсыра; ООН аҟынтәи 21 тонна афатә-ажәтә нашьҭын Деир-ез-Зор араион ахь, ҳәа адырра ҟанаҵеит Шьамтәыла аиныршәаразы Урыстәылатәи Ацентр агуманитартә биуллитен, иаанацҳауеит РИА Новости.
"Урыстәыла уахыки-ҽнаки рыла Шьамтәылаҟа инанашьҭит 4 тоннак рҟынӡа агуманитартә цхыраара. Урыстәылатәи аруаа агуманитартә цхыраара рырҭеит шьамтәылатәи апровинциақәа Алеппои Дерреи рықалақьқәа: Сулеиманиа, Бенизид, Аль-Маади, Аль-Дждида, Аль-Джануби, Хаидариа, Аз-Забдаиа руааԥсыра; ООН аҟынтәи 21 тонна афатә-ажәтә нашьҭын Деир-ез-Зора араион ахь. Иааидкыланы ацхыраара рыҭан 1350-ҩык ауааԥсыра", ҳәа аҳәоит адырраҭараҟны.
Деир-ез-Зор 2014 шықәса раахыс "Исламское государство" аибашьцәа иҭакны ирымоуп. Ари аҭагылазаашьа ауааԥсыра агуманитартә катастрофа рызцәырнагеит.
