АҞӘА, лаҵарамза 6 — Sputnik. Аԥсны иҟоу Урыстәылатәи аррамаҵзурауаа Аԥсныи Урыстәылеи рҿар реизара "Азбука безопасности и выживания-2017" мҩаԥыргоит2017 шықәса нанҳәамзазы. Абри атәы аанацҳауеит арратә округ апресс-маҵзура.
"Азбука безопасности и выживания-2017" апрограммаҿы атеориатә дыррақәа рыдагьы иазыԥхьагәаҭоуп еиуеиԥшым ауснагӡатәқәа.
"Атәылақәа аҩба рҿар адыррақәа роуеит арратә биатлон, аԥынгылақәа рхысра, ахысразы анормативқәа рынагӡара, автомати атапанчеи аимыхреи аизакреи, актәи амедицинатә цхыраара аҟаҵара уҳәа рганахь ала", — ҳәа адырра ҟанаҵоит апресс-маҵзура.
Уи адагьы дара алахәхоит арратә хәмарра "аԥшыхәцәа рымҩахәасҭа".
14 мшы рыҩныҵҟа алагер алахәылацәа Аԥсны иҟоу Урыстәыла Аладатәи арратә округ иатәу ақьалатә қалақь аҟны инхалоит.
