Габниа: Аиааира амш аҵакы есышықәса иацлоит

© Sputnik / Томас ТхайцукМитинг
Митинг - Sputnik Аҧсны
Анапаҵаҩра
Идырым Асолдаҭ ибаҟа аҿаԥхьа ашәҭшьыҵәрақәа рықәҵарала ихацыркхеит иахьа имҩаԥысуаз аныҳәатә уснагӡатәқәа.

АҞӘА, лаҵарамза 9 — Sputnik, Бадраҟ Аҩӡба. Идырым Асолдаҭ ибаҟа аҿаԥхьа аиааира амшныҳәа иазкны имҩаԥгаз амитинг аҟны иқәгылаз атәыла Ахада ихаҭыԥуаҩ Витали Габниа иҳәеит, аамҭа цацыԥхьаӡа аныҳәа аҵакы еиҳа-еиҳа ишазҳауа.

Идырым Асолдаҭ ибаҟа аҿаԥхьа ашәҭшьыҵәрақәа рықәҵарала ихацыркхеит иахьа имҩаԥысуаз аныҳәатә уснагӡатәқәа.

Ашәҭшьыҵәрақәа рышьҭаҵара ашьҭахь аныҳәатә митинг мҩаԥган.

"Иеизаз зегьы ишәыдысныҳәалоит иахьатәи амшныҳәа ду. Ашықәсқәа цоит, аха ҳара ҳзы ари амш аҵакы иацымлозар иагхом. Лаҵарамза 9 асовет солдаҭ ифырхаҵареи игәымшәареи ирымшуп. Иахьа, адунеи ахьынӡанаӡааӡо миллионҩыла ауаа рабацәеи рабдуцәеи рфотосахьақәа рыманы идәылҵуеит", — иҳәеит иара.

Амҳаџьырқәа рыԥшаҳәахьы инеиит зықьҩыла аҳҭнықалақь ауааԥсыреи асасцәеи.

"Ари амш иагьныҳәоуп, иагьхьаауп. Аиааира амш адунеи зегьы аҭынчра азаанагеит. Ҭабуп ҳәа раҳҳәоит аиааира ду зхамшҭуа зегьы", — иҳәеит аибашьра аветеран Алықьса Шониа.

55 нызқьҩык Аԥсны ауааԥсыра аибашьра иалахәын, урҭ рҟынтәи 17 нызқьҩык аиааира амш изахьымӡеит.

Ажәабжьқәа зегьы
0