Инна Аҳашԥҳа лажәақәа рыла, ажурнал ахәыҷқәа рыԥсҭазаара иҵегьы иалахәызар лҭахуп, иара убас аполиграфиатә ҩаӡара шьҭыхзар.
Ахәыҷтәы журнал "Амцабз" аредактор хада Инна Аҳашԥҳа еиҭалҳәеит ажурнал аҿиара аҭоурых
"Ажурнал излазаҵәу ала, арҵаҩцәагьы рхы иадырхәо ианалага, аԥсуа бызшәа аганахьала иаҳкьыԥхьуа хәанчарак аламкәа аус бзианы ирыдулатәуп. Аредакциа аусуҩцәа рҿы аҿарацәа збалар сҭахуп. Ақыҭа школқәеи ҳареи ҳаимадазароуп, — лҳәеит лара. — Зны-зынла аиԥыларақәа мҩаԥысуеит, аха ашәҟәыҩҩцәа рацәаҩны иалахәны ажәеинраалақәа ҳрыԥхьаны ҳахьаауа азхаӡом. Дара ахәыҷқәа ажәеинраалақәа зыҩуа ирзыӡырҩны ирыгу-ирыбзоу раҳәаны узааӡом. Кыраамҭа дареи уареи аус еицыжәуроуп. Ақыҭақәа рахь ицалатәуп. Аимадара иҵегьы ишьҭыхтәуп".
