Москватәи аԥшаӷьы аԥсҭбарақәа ацын

© Sputnik / Илья Питалев / Амедиаҵәахырҭахь аиасраМоскватәи аԥшаӷьы аԥсҭбарақәа ацын
Москватәи аԥшаӷьы аԥсҭбарақәа ацын - Sputnik Аҧсны
Анапаҵаҩра
НовостиTelegram
Ашәахьаҽны Москва ақалақь иалагьыжьыз аԥшаӷьы иахҟьаны 14-ҩык рҟынӡа ҭахеит.

АҞӘА, лаҵарамза 30 — Sputnik. Ашәахьа, лаҵарамза 29 рзы Москва иасыз аԥшаӷьы ахҟьа-ԥҟьақәа акыр ирацәахеит. 14-ҩык ҭахеит, 150-ҩык рҟынӡа ахәышәтәырҭақәа рахь инагоуп, урҭ рҟынтәи 22-ҩык хәыҷқәоуп. Абри атәы аанацҳауеит РИА Новости.

Аҳҭнықалақь агәабзиарахьчара Адепартамент аҟынтәи излаарыцҳауа ала 150-ҩык рҟынӡа ахәышәтәырҭақәа рахь инагоуп, урҭ рҟынтәи 22-ҩык хәыҷқәоуп. Иахьатәи аамҭазы ахәышәтәырҭақәа рҟны иаанханы иҟоуп 108-ҩык.

Аҩаша ашьыжь Адепартамент аиҳабы Алексеи Хрипун иҳәеит, ахәышәтәырҭақәа ирҭоу 108-ҩык рҟынтәи 8-ҩык рҭагылазаашьа хьанҭоуп ҳәа.

Егьырҭ реиҳараҩык ргәабзиара уацәшәартә иҟам иҳәеит иара.

Москва Ахада Сергеи Собианин Twitter аҟны дрыдашшылеит иҭахаз рыуацәеи рҭынхацәеи.

Аҳҭнықалақь АҶА аиҳабы ихаҭыԥуаҩ Андреи Мишьченко, иажәақәа рыла аԥшаӷьы анасуаз аминистррахь 4,5 нызқьҩык рҟынӡа аҭел иасит.

Москва ақалақь Ахада ипресс-маӡаныҟәгаҩ иҟалҵаз адыррақәа рыла, аԥсабаратә рыцҳара иахҟьаны ршьапы ыҵжәаны икаҳаит 3,5 нызқь ҵла. Уи адагьы ааха роуит автомашьынақәа, афымцацәаҳәақәа, аихамҩақәа.

Москватәи аҳаирбаӷәазақәа рҟны 30 рҟынӡа реис аанкылоуп, 13 рес рыԥырра аԥыхуп.

Аҳҭнықалақь аҭагылазаашьа ҷыдақәа рзы аминистрра аҳәара ҟанаҵоит ақалақьтә транспорт ахархәара арҭаларц, автомашьынақәа аҵлақәеи аҩнқәеи рааигәара идмыргылаларц.

Ажәабжьқәа зегьы
0