АҞӘА, рашәарамза 7 — Sputnik, Бадраҟ Аҩӡба. Аԥсны ахада Рауль Ҳаџьымба иазиԥхьаӡоит Жәлар реизра актәи аилазаара иалаз адепутатцәа ҷыдалатәи атәанчахәы рыҭара азҵаара аӡбразы ааԥшра шаҭаху, абри атәы иҳәеит рашәарамза 7 рзы имҩаԥигаз апресс-конференциаҿы.
"Ҳара иаҳцәыуадаҩхоит аинвалидцәеи, аибашьра аветеранцәеи, Аԥсны Афырхацәеи ари аӡбра деилыркаара", — ҳәа азгәеиҭеит атәыла ахада.
Рашәарамза 5 рзы 2017 шықәсазы Ауаажәларратә палата Аԥсны ахада Рауль Ҳаџьымба идыргалеит, Жәлар реизра актәи аилазаара иалаз адепутатцәа, аҭоурых аҿы рлагала азгәаҭаны, ҷыдалатәи атәанчахәы рзыԥҵәара дахаҵгыларц.
Аԥсны ахада Рауль Ҳаџьымба апресс-конференциа мҩаԥигеит ахаша рашәарамза 7 рзы. Далацәажәеит аҳәынҭқарра аекономикеи, ашәарҭадареи, акурорттә усхки егьырҭ еиуеиԥшым азҵааракәеи рзы имҩаԥнаго аусқәа ртәы.
