Аԥсны аҽыспорт Афедерациа аиҳабы Аслан Камлиа иажәақәа рыла, Урыстәыла Ахада Владимир Путин ихьӡала ахраҿа анашьаразы аусмҩаԥгатә далахәын Аԥсны Ахада Рауль Ҳаџьымба.
"Рауль Ҳаџьымба далахәын аҳамҭақәа ранашьара ацеремониа. Зегьы ҳаракыла имҩаԥсыуан. Алҵшәа бзиақәа аадырԥшит аԥсуаа рыҽқәа. Аиашазы, аԥсуа аҽырыҩра аҭоурых аҟны иҟамлацызт, аҳәаанырцә ҳцаны ас еиԥш иҳаракыу алҵшәақәа ааҳарԥшуа", — иҳәеит Аслан Камлиа.
Аслан Камлиа дазааҭгылеит Урыстәыла имҩаԥысуаз аҽырыҩра алҵшәақәа
Аҽырыҩра иалахәын Ахра Ашәбеи Нодар Ҵышәбеи рыҽқәа. Дара Америкеи Голландиеи рҟынтә иаагоу ҽқәоуп.
