Наур Смыр Sputnik иазеиҭеиҳәеит ААИ аусзуҩцәа ргәынамӡара зыхҟьаз атәы
Аԥсны ААИ (ГАИ) аиҳабы Наур Смыр иажәақәа рыла, арзаҳалқәа зҩыз ААИ аусзуҩцәа рхыԥхьаӡара 40-ҩык ыҟан.
"Арапортқәа зҩыз аусзуҩцәа иахьа русуратә ҭыԥқәа рахь ихынҳәит, аиҿцәажәарақәа иҳабжьаз рнаҩс. Уаҵәы иазгәаҭаны иҳамоуп аизара ду, гәынамӡарас ирымоу еилаҳкаарц. Ари аҩыза аҭагылазаашьа зыхҟьаз ҭаҳҵаауеит. Иакәым аҟаҵара аӡәгьы азин имаӡам, Аусԥҟа ишаҳәо ала рхы мҩаԥыргалароуп, аус рулароуп. Даҽакалагьы иҟалар ҳуӡом ҳара", — иҳәеит Смыр.
Аԥсны ААИ (ГАИ) аҟны иааидкыланы аус руеит 270-ҩык.
