Аԥсабара ахьчаразы аусбарҭа аиҳабыи Жәлар Реизара адепутати Пицунда-Мысратәи аҳәарԥсарраҿы имҩаԥысыз агәаҭарақәа рлыҵшәақәа ирзааҭгылеит
"Иаҳбаз даара угәы унархьыртә иҟоуп. Амшын аԥшаҳәа иаваршәны, акрыфарҭақәа рацәаны иргылоуп. Аҳәырԥсарра иахьаҵанакуа иҭамлаӡеит, аха атәарҭақәа аԥсшьарҭақәа рышьҭахь иргылоуп, — азгәеҭеит Ҭарба. — Аҳәырԥсарра арежим аӡәгьы дазхьаԥшӡом. Амашьынақәа роума, аԥсшьаҩцәа роума, анхаҩцәа роума, ирҭаху ишырҭаху иҟарҵоит. Иҟашәымҵан ҳәа разҳәозгьы уаҩы дҳамбаӡеит. Аҳәырԥсарра аиҳабы ҳамч азхом иҳәеит".
