Sputnik, Владимир Бегунов
Аԥсны Акультура аминистр Ельвира Арсалиаԥҳа еиҭалҳәеит сынтәа афестиваль аштаб акәны ишыҟало Аурыс драматә театр. Атеатр Фазиль Искандер ихьӡ ахҵоуп.
"2015 шықәса рзы, раԥхьаӡа акәны афестиваль анеиҿаҳкаауаз иара ааҳартит Фазиль алахәылацәа, аиҿкааҩцәа, ирҿиара бзиа избоз зегь рахь иҟаиҵаз ааԥхьарала. Уажәы, раԥхьаӡа акәны афестиваль мҩаԥысуеит Фазиль ида", — лҳәоит лара.
Ахԥатәи афестиваль атемақәа ируакуп Фазили ахәыҷқәеи.
"Сынтәа афестиваль аатуеит афильм "Время счастливых находок" (1969 ш.) дырбарала, Аҟәатәи ақәыԥшцәа Рыҩнаҟны.
Афильм аҿы иубоит шамахамзар уаҩ игәаламшәо Аҟәатәи аҭыԥқәа. Иара убасгьы имҩаԥгахоит ахәыҷқәа рҭыхымҭақәа рконкурс, Чик иҭыԥқәа рыла аныҟәарақәа.
Шьазина Агрԥҳа лажәақәа рыла сынтәа Афонд аус хадақәа ируакны иҟоуп ашәҟәыҩҩы ибаҟа дахьжу аҭыԥ аҿы аргылара. Абри аус аҟны ацхыраара ду ҟаиҵоит Москва иҟоу аԥсуа диаспора ахантәаҩы Беслан Агрба. Афестиваль "Ауаҩ игыларҭа" аҳәаақәа ирҭагӡаны идырбахараны иҟоуп Искандер иповест иалху афильми аспектакли "Софичка".
Афестиваль акуратор Алексеи Шервашиӡе-Чачба иажәақәа рыла аспектакли афильми ироуеит алшара ҭоурыхк еиуеиԥшым аҟазара абызшәақәа рыла аарԥшра.
Афестиваль "Ауаҩы игыларҭа" мҩаԥысуеит рашәара 20-22 2017 шықәса рзы.
