АҞӘА, рашәара 20 – Sputnik. Владимир Бегунов. Аџьынџьтәылатә еибашьра аветеран Роланд Џьопуа Аԥсны Аџьынџьтәылатә еибашьра аинвалидцәа Рфонд аиҳабы Бадри Агрба иусурҭатә кабинет аҟны дыҩнахысит. Абри азы ахҳәаа ҟаиҵеит Sputnik акорреспондент дзыҿцәажәоз, Аԥсны жәлар Рџьынџьтәылатә еибашьра Аҟәа ақалақьи Аҟәа араиони ринвалидцәа рассоциациа ахантәаҩы Ҭимур Занҭариа.
Иара иажәақәа рыла иҟалаз шьаҭас иамоу абзазаратә еимакы ауп. Роланд Џьопуа ижәны дыҟан. Иара аибашьра аан ихы ахы аахеит. Динвалидуп — иҳәеит Занҭариа.
Уаанӡа ахҭыс далацәажәахьан Аҟәа ақалақь Аҩныҵҟатәи аусқәа Русбарҭа аиҳабы Русҭам Мархолиа.
"Ижәны иҟаз, Аџьынџьтәылатә еибашьра аветеран Роланд Џьопуа Аԥсны Аџьынџьтәылатә еибашьра аинвалидцәа Рфонд аиҳабы Бадри Агрба иусурҭатә кабинет аҟны дыҩнахысит. Уажәы аҭыԥ аҟны ашьаусҭҵааратә уснагӡатәқәа мҩаԥысуеит", — иҳәеит Мархолиа.
Иара убасгьы иазгәеиҭеит Аинвалидцәа Рфонд аиҳабы икабинет ахышә аҟны ахҭыԥқәа хԥа рҭыԥ нрыжьит, уаҩԥсы ԥырхага имоуит ҳәа.
