Шьукин ихьӡ зху Москватәи аинститут астудентцәа алацәажәеит рпрактикатә қәыргыламҭақәа
"Ари ароль гәыкала исыдыскылеит, избан акәзар Искандер "и-Софичкеи" сареи даараӡа ҳаиԥшуп. Иҳамоуп еицаҳзеиԥшу аҟазшьақәа. Искандер аҟны иануп "Софичка-блаженная" ҳәа, сара сҟазшьа хәыҷык ицәгьоуп, раԥхьаӡа срольгьы саргьы ҳаинымаалазар, нас акаҿы ҳаицааит. Исылшеит лара лҟазшьа аарԥшра, ҳәа сгәы иаанагоит. Ари аспектакль ԥшьымз аҽазыҟаҵара ҳаҿын", — ҳәа лҳәеит Аманда Кәарцхьиаԥҳа.
Аҩымҭа уанаԥхьо иаразнак иубоит уара иузааигәоу, иуыцәтәыму ахаҿсахьақәа, ҳәа азгәеиҭеит Шамиль ироль назыгӡоз актиор Осман Абыхәба.
"Шьукин ихьӡ зху аинститут аҧсуа гәыҧ анапхгаҩы Елена Одинцова арольқәа анҳалҭоз илдыруан еиҳа доусы иқәҿио арольқәа. Уи азы ҳус маншәалахеит", — ҳәа ацыиҵеит иара.
