АҞӘА, рашәара 30 – Sputnik, Бадраҟ Аҩӡба. Аԥсны акультуреи акультуратә-ҭынха ахьчареи аминистр лықәҵара инақәыршәаны, Нодар Ҷанба Аԥсны Аҳәынҭқарратә хортә капелла аиҳабыс дҟаҵоуп. Абри атәы аанацҳауеит Аԥсны акультуреи акультуратә-ҭынха ахьчареи рминистрра апресс-маҵзура.
"Нодар Ҷанба уажәы аҭагылазаашьа имоуп лассы-лассы Аԥсныҟа ааразы. Хаҭала иаҳҳәозар, уажәы уи иазыҟаиҵоит акапелла Пицунда имҩаԥысуа аоргантә фестиваль аҟны ақәгылара", — азгәалҭеит Ельвира Арсалиаԥҳа.
Иара убас, жьҭаара Москва Аԥснытәи Аҳәынҭқарратә хортә капелла агастрольқәа рыла иқәгылараны иҟоуп, лҳәеит аминистр.
"Ҳара ҳаигәырӷьоит иахьа абас еиԥш аҭагылазаашьа ахьҳауз. Раԥхьаӡа иргыланы иара дазхәыцит акапеллатә музыка аԥеиԥш, еиликаауеит шаҟа иаҳҭаху ицхыраара, иара идгылара", — лҳәеит Арсалиаԥҳа.
Уи иазгәалҭеит 2018 шықәсазы, амузыктә фестиваль ду амҩаԥгаразы агәҭакы шыҟоу.
"Убригьы даҽа культуратә хҭысны иҟалоит ҳәа ҳгәы иаанагоит", — лҳәеит уи.
Нодар Ҷанба – Аԥсны зҽаԥсазтәыз артист ҳәа ахьӡ ихҵан 2007 шықәсазы.
