Аԥсны Ахада Ихраҿа анашьахеит аҽыҩ "Фаст Керл"

© Sputnik / Томас ТхайцукАԥсны Ахада Рауль Ҳаџьымба Ихраҿа агаразы аиндаҭлара мҩаԥысуан Бзыбтәи аҽырҩырҭаҿы
Аԥсны Ахада Рауль Ҳаџьымба Ихраҿа агаразы аиндаҭлара мҩаԥысуан Бзыбтәи аҽырҩырҭаҿы - Sputnik Аҧсны
Анапаҵаҩра
НовостиTelegram
Аԥсны Ахада Рауль Ҳаџьымба Ихраҿа агаразы аиндаҭлара мҩаԥысуан Бзыбтәи аҽырҩырҭаҿы, ԥхынгәы 2 рзы.

АҞӘА, ԥхынгәы 3– Sputnik, Амра Амҷԥҳа. Аԥсны Ахада Ихраҿа анашьахеит Резван Хатков дзықәтәаз аҽыҩ "Фаст Керл" (аҽы ихатәуп Ахра Ашәба). Абри атәы Sputnik акорреспондент илзааицҳаит Аԥсны аҽтәы спорт Афедерациа апрезидент Аслан Камлиа.

2400 метра инаӡоз аикәшара иалахәын быжь-ҽык. Аиааиҩы аԥхьахә ииҭеит Аԥыза-министр Беслан Барциц.

Дәрыԥшь аҽырыҩра - Sputnik Аҧсны
Раԥхьаӡа акәны Аԥсны имҩаԥысуеит атәыла ахада иаԥхьахә азы аҽырыҩра

Камлиа иажәақәа рыла аҽқәа дырыҩуан 1600 метра инаркны 3200 метра рҟынӡа.

Аԥсны раԥхьатәи Ахада Владислав Арӡынба игәалашәара иазкыз аԥхьахә агеит Дмитри Гәынба иҽыҩ Спреи бои, Сергеи Багаԥшь игәалашәара иазкыз аԥхьахә агеит Нодар Ҵышәба иҽыҩ Лонг-Вау.

Аҽырыҩра адагьы ара иахьа имҩаԥысит аҽы-спорттә еиндаҭларақәа. Аҵәыршәраҿы аиааира ргеит гаграа.

Атурнир аиҿкааҩцәа аԥхьеит атәыла Ахада Иусԥҟа: Васили Толстопиатов Аԥсны Аҳәынҭқарраҿ аспорт аизҳараҿы илагала дуқәа рзы "Аԥсны Аҳәынҭқарра аҳаҭыр тәылауаҩ" ҳәа ахьӡ ихҵазарц.

Васили Толстопиатов иҽы "Конард Лорд" Аԥсны ахьӡала иқәгылан Москва имҩаԥысуаз Урыстәылатәи Афедерациа Ахада иаԥхьахә азы аҽырыҩраҿы.

Аԥсны Ахада Ихраҿа агаразы аҽы-спорттә еиндаҭларақәа мҩаԥысуеит хышықәса раахыс.

Сынтәа иара иалахәын 60-ҩык рҟынӡа аҽыҩҷкәынцәа.

Афотосахьақәа шәрыхәаԥшыр ҟалоит абра>>

Ажәабжьқәа зегьы
0