АҞӘА, ԥхынгәы 7– Sputnik, Анжелика Бениаԥҳа. Аԥсны Акультура аминистр Ельвира Арсалиаԥҳа Аахыҵ Уаԥстәыла Акультура аминистр Жанна Зассеева дылԥылеит. Дара алацәажәеит еиуеиԥшым акультура азҵаарқәа.
"Ҳара еизааигәоу ҳәынҭқаррақәоуп. Иахьазы иҳамоу аизыҟазаашьа бзиақәа ирыцаҳҵоит. Иҳарҭбаауеит", — лҳәеит аминистр.
Аминистрцәа алацәажәеит акультура амшқәа рымҩаԥгара, ацәыргақәҵақәа рымҩаԥгара уҳәа еиуеиԥшым азҵаарақәа. Дара иазгәарҭеит атәылақәа рыҩба реинырра бзиа, уи ԥхьаҟагьы ацҵара.
Жанна Зассеева илҳәеит мызқәак рыҩныҵҟа русура аплан еицышьақәыргыланы ишцәырырго.
Аиԥылара ашьҭахь Акультура аминистрцәа неиит Ражьден Гәымба ихьӡ зху афилармониахь. Уаҟа имҩаԥысуан Борис Галаев ихьӡ зху Аахыҵ Уаԥстәыла аҳәынҭқарратә ансамбль "Симд" аконцерт.
