Ҭыжәба: ашахматтә фестиваль "Абхазия OPEN -2017" ақалақьқәа ԥшьба рҟны имҩаԥгахоит

© flickr.comашахматтә фестиваль "Абхазия OPEN -2017" ақалақьқәа ԥшьба рҟны имҩаԥгахоит
ашахматтә фестиваль Абхазия OPEN -2017 ақалақьқәа ԥшьба рҟны имҩаԥгахоит - Sputnik Аҧсны
Анапаҵаҩра
НовостиTelegram
XIV Жәларбжьаратәи ашахматтә фестиваль "Абхазия OPEN -2017" хацыркхоит атурнир "Очамчыра-OPEN" ала, ԥхынгәы 12 рзы.

АҞӘА, ԥхынгәы 12 – Sputnik, Амра Амҷԥҳа. Ашахматтә фестиваль "Абхазия OPEN —2017" ақалақьқәа ԥшьба, Гәдоуҭа, Аҟәа, Гагра, Очамчыра рҟны имҩаԥгахоит. XIV Жәларбжьаратәи ашахматтә фестиваль "Абхазия OPEN —2017" хацыркхоит атурнир "Очамчыра-OPEN" ала, ԥхынгәы 12 рзы иҳәеит радио Sputnik аинтервиу азҭоз Аԥсны ашахмат азы Афедерациа апрезидент Константин Ҭыжәба.

Атурнир аҿы ирзыԥшуп 500-ҩык рҟынӡа ашахматистцәа Урыстәыла, Ермантәыла, Ҟазахсҭан рҟынтәи. Афестиваль ԥшь-етапкны имҩаԥысуеит.

"Ҳхәыҷқәа иӷәӷәоу аспортсменцәа ианрыцыхәмаруа аԥышәа бзиа роуеит. Уажәтәи атурнир иалахәуп ахәыҷқәагьы адуцәагьы", — иҳәоит Ҭыжәба.

Зегь раасҭа алахәылацәа рацәоуп атурнир "Сухум-OPEN". Иара аԥхьахәтә фонд иартәоит 100 нызқь мааҭ аԥара.

Константин Ҭыжәба Sputnik Аԥсны иеиҭаз арадиоинтервиу шәазыӡырҩыр ҟалоит абра

Константин Ҭыжәба иазгәеиҭеит ашахматтә фестиваль "Абхазия OPEN —2017" мҩаԥысуеижьҭеи 14 шықәса ҵуеит ҳәа.

"Ҳара ҳахь агәахәара рыманы иаауеит. Еснагь аиҿкаара бзиа еиқәҳаршәоит. Ҳзалқәа цәгьаӡам", — иҳәоит Ҭыжәба.

Ҭыжәба иҳәеит Жәларбжьаратәи ашахматтә фестиваль "Абхазия OPEN-2017" мҩаԥысуеит швеицариатәи асистемала, жә-туркны.

"Дарбанызаалак алахәыла атурқәа зегьы дырхысуеит. Заҟа очкоқәа иоуа аҟара иӷәӷәоу дрыцыхәмарлоит. Регламентла ҳара ҳтурнир жәларбжьаратәуп, FIDE (Жәларбжьаратәи ашахматтә федерациа— аред.) ҳшазханамҵацгьы", — иҳәоит иара.

XIV Жәларбжьаратәи ашахматтә фестиваль "Абхазия OPEN —2017" мҩаԥысуеит Аҟәа ақалақь Ахадареи аспорт азы Аҳәынҭеилаки рыцхыраарала.

Ажәабжьқәа зегьы
0