Ашьапылампыласыҩ Витали Дараселиа ибаҟа еиҭашьақәдыргылоит

© Foto / АрхивВитали Дараселиа
Витали Дараселиа - Sputnik Аҧсны
Анапаҵаҩра
Витали Дараселиа – очамчыратәи ашьапылампылтә школ дааӡамҭаҩуп, 1978 шықәсазтәи СССР ачемпион, 1981 шықәсазы УЕФА Ахраҿа агаразы аиааиҩы.

АҞӘА, ԥхынгәы 15– Sputnik, Бадраҟ Аҩӡба. Ашьапылампыласыҩ Витали Дараселиа ибаҟа еиҭашьақәдыргылоит, иҳәеит арадио Sputnik аинтервиу азҭаз аҟәатәи ақәыԥшцәа ркоманда "Динамо" азыҟаҵаҩ еиҳабы Мераб Кәакәасқьыр.

"Очымчыра игылоу Витали Дараселиа ибаҟа аиҭашьақәыргылара аҭахны иҟоуп. Анышәынҭра акәырша акәзар икаҳан иҟоуп. Алашара ҟаҵатәуп. Витали Дараселиа жьҭаарамза 9 рзы ииубилеи ыҟоуп. Иаҳҭахуп убри аамҭазы ибаҟаи инышәынҭра ахаҭеи реиҭашьақәыргылара. Иааҳаԥхьар ҳҭахуп Асовет Еидгыла ашьапылампыл аветеранцәа", — иҳәеит иара.

Ауснагӡатә амҩаԥгара аԥшьгамҭоуп Аԥсны ашьапылампыл Афедерациа, хаҭала Џьума Кәарацхьелиеи Баграт Хәытабеи.

"Ҵыԥх ҭагалан акоманда "Динамо" Калуга ақалақь аҟны атурнир иалахәын. Ахәмарра ашьҭахь ҩыџьа арԥарацәа аасыдгылан исазҵааит – уаԥснытәиума ҳәа. Ирҳәеит еицырдыруаз ашьапылампыласыҩ Витали Дараселиа асовет шьапылампыл ахьӡ акыр ишҭигахьаз", — иҳәоит иара.

Мераб Кәакәасқьыр оумашәа ибон Дараселиа адуцәа реиԥш аҿаргьы дахьырдыруаз.

Абри ашьҭахь Мераб Кәакәасқьыр дазхәыцуа далагеит ашьапылампыласыҩ анышә дахьамадоу аҭыԥ ишахәҭоу еиԥш ишеиҿкаатәу.

"Сара абри ашьапылампыл азы Афедерациа анапхгаҩы иасҳәеит. Иара сақәиргәыӷит зегьы ишахәҭоу еиԥш ишыҟаҵахо. Иахьынӡаздыруа атәыла Ахадагьы ацхыраара аҟаҵара дазыхиоуп", — иҳәоит Кәакәасқьыр.

Мераб Кәакәасқьыр иҳәеит Витали Дараселиа иналукааша шьапылампыласыҩны дшыҟаз.

Витали Дараселиа – диит жьҭаара 9 1957 шықәса рзы Очымчыра ақалақь аҟны. Дҭахеит амҩатә машәыр аҟны ԥхынҷкәын 13 1982 шықәса рзы.

Ажәабжьқәа зегьы
0