АҞӘА, ԥхынгәы 18 – Sputnik, Сариа Кәарацхьелиаԥҳа. "Игры престолов" апремиератә сезон арбара еиҿыркааит Аҟәа ақалақь Ахадара аҿари аспорти Реилак. Абри атәы аанацҳауеит Аилак Facebook аҟны иамоу ахатә даҟьаҿ.
"Аидеиа аоператор "Аҟәафон" иатәуп. Асериал иамоу аинтерес азыԥхьагәаҭаны ҳаргьы уи аидеиа адгылара аҳҭарц ҳаӡбеит. Уажәы иҭыҵит акраамҭа ҳаззыԥшыз асезон ҿыц", ҳәа еиҭалҳәоит Аҟәа ақалақь Ахадара аҿари аспорти Реилак аҟазауаҩ хада Есма Кәыҵниаԥҳа.
Лара лажәақәа рыла апремератә сезон дырбахалоит ес-шәахьа, асааҭ 21.00 рзы.
Диоскураа рыԥшаҳәаҟны аус ауеит хәыда-ԥсадатәи аԥхынтәи акинотеатр. Иара аус аулоит аҩаша, аԥшьаша, асабша, амҽыша, асааҭ 20:00 инадыркны. Шәахьала аус аулоит асааҭ 21:00 инадыркны.
Аинформациатә маҵзуреи арадиои Sputnik Аԥсны апроект "Аԥхынтәи акинотеатр" информациатә партниорны иҟоуп.
Акинокартинақәа Sputnik Аԥсны асаит аҿы ирылаҳәалахоит, иара убасгьы Sputnik Аԥсныи Аҟәа Ахадара аҿари аспорти рзы Аилаки рсоциалтә ҳақәа рҟны.
