Аҭоурыхи ахроникеи: амузеиқәа имҩаԥыргеит Абираҟ амш аекспозициа

© Sputnik / Томас Тхайцукамузеиқәа имҩаԥыргеит Абираҟ амш аекспозициа
амузеиқәа имҩаԥыргеит Абираҟ амш аекспозициа - Sputnik Аҧсны
Анапаҵаҩра
НовостиTelegram
Ҳаамҭазтәи Аԥсны абираҟ аԥҵан 1992 шықәса ԥхынгәы 23 рзы.

АҞӘА, ԥхынгәы 24 – Sputnik, Роберт Џьопуа. Аекспозициа "Хроника абхазского флага" мҩаԥнагеит Аԥсуа Ҳәынҭқарратә музеи ԥхынгәы 23 рзы. Амузеи ҳаамҭазтәи аҭоурых аҟәша аиҳабы Клара Гьерзмааԥҳа лажәақәа рыла, абираҟқәа рҭоурых амузеи аҭааҩцәа рзы аинтерес аҵаны иҟоуп. Убри инамаданы абираҟқәа цәырыргеит.

"Есышықәса, инарҭбааны абираҟ амш ахьазгәарҭо иаҳнарбоит ҳажәлар ргәацԥыҳәаны ари аныҳәа ишазыҟоу. Хьаҳәа-ԥаҳәада ари амш аҵак ду шамоу еилыркаауеит зегьы. Иахьа амузеи аҟны иҳаӡбеит Аԥсны абираҟқәа зегьы цәыраагарц зегьы ирбартә-ираҳартә еиԥш", — лҳәеит Гьерзмааԥҳа.

Иааидкыланы амузеи ицәырнагеит еиуеиԥшым аамҭақәа рызтәи 17 бираҟ. Екатеринбургнтәи Аԥсныҟа иааз Наталиа оумашәа ибаны дахәаԥшуан ариаҟара абираҟ еилазаара рацәа.

"Исыздыруамыз аԥсуа бираҟ асеиԥш аҭоурых ду амоуп ҳәа. Агәахәара ду снаҭоит абри амш аҽны Аԥсны аҟазаара ахьсынасыԥхаз. Ареспублика ауааԥсыра зегьы ирыдысныҳәалоит аныҳәа" — лҳәеит лара.

Владислав Арӡынба ихьӡ зху амузеи аҿы акәзар, иаарту ашәқәа Рымш рыларҳәеит. Аҭааҩцәа ирбар рылшон Аԥсны абираҟ аҭоурых иазку аекспозициа.

Ҳаамҭазтәи Аԥсны абираҟ рыдыркылеит 1992 шықәса ԥхынгәы 23 рзы. Иара аԥсуа жәлар рҳәынҭқарра аҿиара иасимволуп. Иаарту амаҿа шкәакәа 12 шәышықәса инарзынаԥшуа ақәра змоу аԥсуа ҳәынҭқарра иасимволуп. Ацәаҳәа иаҵәақәеи ашкәакәақәеи аҿареи адоуҳареи ирсимволуп. Хә-кәакьҭак змоу аеҵәақәа быжьба – Аԥсны аҭоурыхтә раионқәа: Саӡ, Бзыԥ, Гәма, Абжьыуаа, Самырзаҟан, Дал-Ҵабал, Ԥсҳәы-Аибга ирсимволны иҟоуп.

Аҳәынҭқарратә символикақәа дравторуп, асахьаҭыхҩы — Валери Гамгьиа.

Ажәабжьқәа зегьы
0