АҞӘА, ԥхынгәы 24 — Sputnik. Ҭырқәтәылатәи ақалақь Бодрум аҟынтәи Урыстәылатәи атуристцәа зыԥыруам авиаеилахәыра iFly ала. Абри атәы аанацҳауеит РИА Новости.
Атуристцәа ахәашаҽны иԥрыр акәын Бодрумнтәи аха авиаеилахәыра iFly урҭ рзы аҳаирплан нанамышьҭит. Атуристцәа асасааирҭаҿ иҟоуп. Фатәы ԥхала еиқәыршәоуп.
"Ҳара аҭагылазаашьа ҳашьклаԥшуеит. Ҭырқәтәылатәи агани ҳареи аимадара ҳамоуп" — иҳәеит урыстәылатәи адипмиссиа ахаҭарнак.
Акурорттә Бодрум ахәаша адгьылҵысра ду ҟалеит. Адгьылҵысры аепицентр Егеитәи амшын аҵаҿ иҟан. 6,7 балл иҟаз адгьылҵысра иахҟьаны абгарақәа ҟалеит.
Ҩыџьа ҭахеит, 190-ҩык еиуеиԥшым аахақәа роуит.
