АҞӘА, нанҳәа 2 — Sputnik, Рада Ажьиԥҳа. Атәылахьчара аминистрра иатәу ашьҭаҵарҭақәа рҟны нанҳәа 2 асааҭ 16:30 мск рзы аԥжәарақәа ҟалеит. Урыстәылатәи абыжьбатәи арратә база аруаа аԥжәарақәа ахьыҟалаз ацхыраараз инеиит, ҳәа ҳаиҳәеит Игорь Егоров.
"Ҳара арахь ҳааиит аԥжәарақәа рыхҟьа-ԥҟьақәа раԥыхраҿы ацхырааразы. Ауаа рахыгара аҭахны иҟалар, БТР-қәа хԥа хианы игылоуп, амцарцәаратәи ацхыраара ласи амашьынақәа ҳамоуп", — иҳәеит Егоров.
Аҭыԥ ахь днеиит Аԥыза-министр Беслан Барцыц.
"Иахәҭоу зегьы аҟаҵара ҳаҿуп ауаа ршәарҭадара аиҿкааразы, ацхыраара рыҭаразы" ҳәа Sputnik акорреспондент илеиҳәеит Беслан Барцыц.
20-ҩык рҟынӡа Аҟәеи Гәдоуҭеи ахәышәтәырҭақәа рахь инагоуп.
