"Аԥсуа чара": Книазев ирҿиаратә хәылԥазы Аҟәа имҩаԥысраны иҟоуп

Анапаҵаҩра
НовостиTelegram
Урыстәыла жәлар рартист Евгени Книазев нанҳәа 16 рзы имҩаԥысыз апресс-конференциаҟны ирҿиаратә хәылԥазы апрограмма далацәажәеит.

АҞӘА, нанҳәа 17– Sputnik, Сариа Кәарацхьелиаԥҳа. Урыстәыла жәлар рартист Евгени Книазев ирҿиаратә хәылԥазы Аҟәа, Фазиль Искандер ихьӡ зху аурыс драматә театр аҟны имҩаԥысраны иҟоуп нанҳәа 18 рзы. Абри атәы иҳәеит Урыстәыла жәлар рартист Евгени Книазев нанҳәа 16 рзы имҩаԥысыз апресс-конференциаҟны.

Иара иазгәеиҭеит ишьақәырӷәӷәоу программа шимам.

"Ахәылԥаз шеиҿкаахо макьанагь исыздырам. Иара ахы шцәырнаго еиԥш ицалоит. Сара сакәзар, Гәлиа иажәабжь саԥхьоит, ажәеинраалақәа срыԥхьоит атеатр арҿиаразы сгәаанагарақәа сҳәоит, азал аҟынтәи азҵаарақәа ҟалар, рҭак ҟасҵоит" — иҳәеит Книазев.

Sputnik акорреспондент аҳәара ҟалҵеит иара ииҭаху жәеинраалак дырзаԥхьарц. Евгени Книазев Александр Блок иажәеинраала "О, я хочу безумно жить" алкаан даԥхьеит.

Евгени Книазев ҩынтәуп Аԥсны ақәгыларақәа мҩаԥигоижьҭеи.

Ажәабжьқәа зегьы
0