Аԥсуара иазку амультсериал ҭыҵраны иҟоуп

© Фото : Астамур Квициния анимация Аԥсуара
анимация Аԥсуара - Sputnik Аҧсны
Анапаҵаҩра
НовостиTelegram
Аԥсуа бызшәала раԥхьатәи аԥсуара иазку амультипликациатә сериал аус адулара хыркәшоуп аҳәынҭқарратә бызшәатә политиказы Аԥсны Аҳәынҭқарратә еилакы аҟны. Абри атәы ҳзеиҭалҳәеит апроект аиҭагаҩ Наала Хьециаԥҳа.

АҞӘА, нанҳәа 18 – Sputnik, Асида Кәыҵниаԥҳа. Аԥсуа бызшәала раԥхьатәи аԥсуара иазку амультипликациатә сериал аус адулара хыркәшоуп аҳәынҭқарратә бызшәатә политиказы Аԥсны Аҳәынҭқарратә еилакы аҟны. Абри атәы Sputnik иазеиҭалҳәеит апроект аиҭагаҩ Наала Хьециаԥҳа.

"Апроект аус ҳацадиулон асахьаҭыхыҩ, амультипликатор Асҭамыр Кәыҵниа. Амультфильм аҟны ахҭысқәа зегьы мҩаԥысуеит ареспубликаҿ еицырдыруа аҭыԥқәа рҟны, иаразнакы иаҳҳәарц иаҳҭаху еилукаартә еиԥш. апроект иныҭкааны аус адааулон. Аперсонажқәа рцәамаҭәа азхьаԥшра ду аҳҭон. Ара зегьы хадаран, иҩбатәиз ҳәа акгьы ҳзалкаауамызт. Актәи асериа азкуп ииашаны аԥсшәеибыҳәашьа. Асериал ахәыҷқәа ишрызкугьы, адуцәагьы рхазы лкаақәак ҟарҵап, аинтерес ркып ҳәа сгәы иаанагоит", — лҳәеит Наала.

Амультфильм актәи асериа рхиоуп, аҩбатәи асериа аус адулара иаҿуп. Иааидкыланы хә-сериак ҭыҵраны иҟоуп. Сериа-цԥхьаӡа аамҭа хԥа-хԥа минуҭ инаӡоит лҳәоит аиҭагаҩ.

"Апроект ахарџь зҭаху проектуп. Ҽааны аҳәынҭқарра ацхыраара ҳанаҭар мамзаргьы аспонсорцәа ҳзыԥшаар, апроект хымԥада иҳарҭбаауеит, еиҵаҳхуеит", — лҳәоит Хьециаԥҳа.

2016 шықәса цәыббрамзазы Аԥсны Ахада Идҵа инақәыршәаны иаԥҵан аҳәынҭқарратә бызшәатә политиказы Аԥсны Аҳәынҭқарратә еилакы.

Аԥсуара аԥсуаа рморал-етикатә кодекс еизгоуп. Ашәышықәсақәа иргәылырхәхәа аԥсуаа иахьанӡагьы иааргеит аԥсуа ихымҩаԥгашьа аԥҟарра ҷыдақәа. Аԥсуара иаԥҟарра хаданы ишьоуп: аламыс, ахьӡ-аԥша, аиҳабы пату иқәҵара, асасдкылара, аҳаҭырқәҵара, ахаҵара, ауаҩытәыҩса иахь абзиабара. Аԥсуаа арҭ аҟазшьақәа неимда-ааимдо иахьанӡагьы еиқәырханы ирымоуп.

Ажәабжьқәа зегьы
0