Бахи агәыҳалалреи: Пицунда имҩаԥысраны иҟоуп аклассикатә концерт

© Sputnik Томас Тхайцук / Амедиаҵәахырҭахь аиасраархивтә фото
архивтә фото - Sputnik Аҧсны
Анапаҵаҩра
НовостиTelegram
Нанҳәа 21 рзы Пицунда имҩаԥысраны иҟоуп аклассикатә музыка аконцерт. Аконцерт аҟны еизырго аԥара ахәыҷқәа рыхәышәтәра иазырхахоит лҳәеит агәыҳалалратә фонд "Ашана" ахаҭарнак Мактина Џьынџьалԥҳа.

АҞӘА, нанҳәа 18– Sputnik, Сариа Кәарацхьелиаԥҳа. Нанҳәа 21, асааҭ 19 рзы Пицунда имҩаԥысраны иҟоуп аклассикатә музыка аконцерт. Аконцерт аҟны еизырго аԥара ахәыҷқәа рыхәышәтәра иазырхахоит лҳәеит агәыҳалалратә фонд "Ашана" ахаҭарнак Мактина Џьынџьалԥҳа.

"Аконцерт иалагаанӡа асасцәа ирымоуп алшара Мариа Ԥлиаԥҳа лстудиаҟынтәи асахьаҭыхыҩцәа ҿарацәа русумҭақәа рцәыргақәҵа аҭаареи ацәашәҵатәы аколлекциа "Color of nation" абареи. Еизырго аԥарақәа афонд хылаԥшра зызнауа ахәыҷқәа рыхәышәтәра иазырхахоит" — лҳәеит Џьынџьалԥҳа.

Хышықәсоуп афонд "Ашанеи" асоциал-культуратә ԥшьгарақәа Рфонди еицеиҿыркаауеижьҭеи абри апроект. Иара алшаралагьы афонд хылаԥшра знаҭо ахәыҷқәа хәҩык хәышәтәра аҳәаанырцә ирышьҭхьеит.

Sputnik Аԥсны агәыҳалалратә фонд "Ашана" информациатә партниорс иазыҟоуп.

Ажәабжьқәа зегьы
0