АҞӘА, нанҳәа 18 – Sputnik, Бадраҟ Аҩӡба. Аԥсны иааны иҟаз Урыстәыла Аҩныҵҟатәи аусқәа рминистр ихаҭыԥуаҩ Игор Зубови сареи ҳалацәажәеит Аинформациа Координациатә Центр ԥхьаҟатәи аусура атәы иҳәеит Ауаажәларратә палата инарҭбаау аилатәараҟны Аԥсны Аҩнуҵҟатәи аусқәа рминистр Аслан Кобахьиа, нанҳәа 18 рзы.
"Ҳалацәажәеит Аԥсны Аҩныҵҟатәи аусқәа рорганқәа рматериал-техникатә еиқәыршәара. Зубов иацы дцеит. Уажәы Аԥсны иааны иҟоуп аҟазауаа ргәыԥ. Иалаҳкаараны ҳаҟоуп абри аиқәыршәараҟны аԥсуа ган ахәҭа ахышәа-ҵышәа", — иҳәеит Кобахьиа.
Аинформациа Координациатә Центр аиҿкааразы Аԥсни Урыстәылеи рыбжьара Аиқәшаҳаҭра 2017 шықәса лаҵарамза 18 рзы раны аҵарҩит Урыстәыла Аҩныҵҟатәи аусқәа рминистр ихаҭыԥуаҩ Игор Зубови Аԥсны Аҩныҵҟатәи аусқәа рминистр Аслан Кобахьиеи.
