Очамчыра араион аҟны АҶА аусзуҩцәа ахлор зҭоу иқәыргоит

© SputnikОчамчыра араион аҟны АҶА аусзуҩцәа ахлор зҭоу аутилизациа азыруеит
Очамчыра араион аҟны АҶА аусзуҩцәа ахлор зҭоу аутилизациа азыруеит - Sputnik Аҧсны
Анапаҵаҩра
НовостиTelegram
Аԥсны АҶА иԥжәоу амаҭәарқәеи ахимиатә маҭәарқәеи ршәарҭадараз аҟәша аутилизациа рзура иаҿуп ахлор зҭоу, зхархәара аҿҳәара иахыԥахьоу абаллонқәеи акантеинерқәеи.

АҞӘА, нанҳәа 17 – Sputnik. Очамчыра араион аҟны Аԥсны АҶА иԥжәоу амаҭәарқәеи ахимиатә маҭәарқәеи ршәарҭадараз аҟәша аутилизациа рзура иаҿуп ахлор зҭоу, зхархәара аҿҳәара иахыԥахьоу абаллонқәеи акантеинерқәеи. Абри атәы аанацҳауеит Аԥсны Аҭагылазаашьа ҷыдақәа рзы аминистрра апресс-маҵзура.

"Ахлор зҭоу аконтеинер аутилизациа азууаанӡа иара ахимиатә маҭәашьар шәарҭамхартә иҟауҵароуп. Убри азы ахлори асодатә ӡҩеи еиларҭәоит. Ахлор ашәарҭарагьы ыӡуеит, иаабац аџьыкхыш аилазаара аиуеит. Контеинерк ашәарҭадатәра ф-сааҭк аҭахуп. Хымш рыла жәаба инареиҳаны контеинер аус рыдааулахьеит", — иҳәеит аусурақәа напхгара рызҭо Урыстәылатәи анаукақәа Ракадемиа ахимиеи аелектрохимиеи Ринститут анаукатә усзуҩ Александр Новиков.

Аҭагылазаашьа ҷыдақәа рзы аминистр Лев Кәыҵниа хаҭала хылаԥшра азиуеит имҩаԥысуа аусурақәа рцашьа. Иара агәра ҳиргеит ауааԥсыра рзы арҭ ауснагӡатәқәа иарбанызаалак шәарҭарак шрылам азы. Иара иажәақәа рыла иааиԥмырҟьаӡакәа имҩаԥыргоит абиологиатәии ахимиатәии гәаҭара.

2008 шықәса рзы имҩаԥган раԥхьатәи апрограмма. Усҟан 600 контеинер утилизациа рзыруит. Уажәазы 100-контеинерк аутилизациа рзутәны иҟоуп.

Аминистр иажәақәа рыла иҭацәушәа иубар ауа абаллонқәеи аконтеинерқәеигьы рыҵа ахлор тәазар алшоит. Ахлор ахылҩа-ԥсылҩа ухәлоугалар угәабзиара ашәарҭара ду анаҭар алшоит.

Иара иазгәеиҭеит ахлор зҭаз абаллонқәеи аконтеинерқәеи рыбзазараҿы рхы иадырхәарц изго шыҟоугьы, мамзаргьы аметаллом еизгарҭахь иназго шыҟоугьы.

Усеиԥш аҟаҵара зынӡаскгьы иҟалаӡом. Аминистрра ауааԥсыра ирабыжьнагоит ахлор зҭаз акантеинерқәеи абаллонқәеи кажьны ирбар убри азы хымԥада дара адырра рырҭарц.

Ажәабжьқәа зегьы
0