Аԥсны аԥсабара ссир ашәарыцара абзиабаҩцәа ирыднагалоит меигӡарахда аԥсаатәи ашәарахи.
Ашәарыцара жәытә-натә аахыс аԥсуа жәлар рыбзазара иузаҟәымыҭхо хәҭаны иаман. Ажәытәан аԥсуа шәарыцацәа ашәарыцара аҷыдарақәа ирыԥхыҳәҳәаны рхы мҩаԥыргомызт. Аԥсабара ҳаҭырла азнеира аекосистемаҿ аибакапанра иаԥырхагамызт, иацхраауан.
Аԥсны аекологиеи аԥсабара ахьчареи рзы Аҳәынҭқарратә еилаки "Ашәарыцацәеи аԥсыӡкцәеи реилазаара" ацентртә Усбарҭеи ашәарыцацәа рахь аҳәара ҟарҵоит, ашәарыцара аҿҳәареи ашәарыцаратә хымҩаԥгареи ирыцәхьамҵларц.
Аԥсны азин ыҟам ҷыдала ихьчо аҳәырԥсаррақәа, аиаҵәара азонақәа, ақалақьқәа, иара убасгьы анхарҭаҭыԥқәа рааигәа-сигәа х-километрак иахьынаӡо ашәарыцара. Ашәарыцара аԥҟарақәа реилагара административтәи ашьаустәи ҭакԥхықәра уақәнаршәоит.
