АҞӘА, нанҳәа 24- Sputnik, Амра Амҷԥҳа. Акультуратә сезон "Урыстәыла-Аԥсны – 2017" аҳәаақәа ирҭагӡаны Лиудмила Зыкина лыхьӡ зху аҳәынҭқарратә академикатә аурыс жәлар рансамбль "Россия" Аҧсны иқәгылараны иҟоуп.
Аконцертқәа мҩаԥысуеит Аҟәеи Очамчыреи. Нанҳәамза 25, асааҭ 17:00 рзы, Очамчыра ақалақь, Р. Ҵәыџьба ихьӡ зху акультура Аҩны аҿы.
Нанҳәамза 26, асааҭ 18:00 рзы Р. Гәымба ихьӡ зху Аҧснытәи аҳәынҭқарратә филармониа аҿы Аҧсны Аҳәынҭқарра ахьыҧшымра жәларбжьаратәи азхаҵара азгәаҭара иазкны имҩаԥгахоит Лиудмила Зыкина лыхьӡ зху аҳәынҭқарратә академикатә аурыс жәлар ансамбль "Россия" аконцертқәа. Абри атәы ҳзааицҳаит Аԥсны Акультура аминистр лхаҭыԥуаҩ Беслан Ӷәырџьуа.
"Аконцерттә программақәа шьақәгылоуп псоветтәи аурыстәи композиторцәа рырҿиамҭақәа ирылхны. Апрограмма даара иинтересуп. Зегь аконцертқәа рахь шәнасыԥхьоит. Агәахәара ду шшәоуа здыруеит", — иҳәеит аминистр лхаҭыԥуа.
Аҟәагьы Очамчырагьы аконцертқәа хәыда-ԥсада имҩаԥысуеит.
Ансамбль "Россия" акультуратә программа "Россия-Абхазия 2017" аҳәаақәа ирҭагӡаны, раҧхьаӡа акәны Аҧсны иқәгылараны иҟоуп. Ансамбль азҧхьагәаҭа Аҧснытәи ақалақьқәа ҩба – Аҟәеи Очамчыреи рҿы аконцертқәа ҩба рыла ишьақәгылоуп.
