АҞӘА, нанҳәа 31 – Sputnik, Бадраҟ Аҩӡба. Аихамҩа Бзыбь-Гәдоуҭа ахәҭаҟны, Блабырхәа ақыҭа иахьаҵанакуа нанҳәа 30 рзы апассаџьыртә дәыӷбақәа рныҟәара аанкылан аӡымыҭҟьар ахьлеиз иахҟьаны.абри атәы Sputnik акорреспондент изеиҭеиҳәеит атранспорт азы Аҳәынҭқарратә усбарҭа аиҳабы Робестан Габлиа.
Ахҭыс ахьыҟалаз аҭыԥ аҟны аремонттә-еиҭашьақәыргыларатә усурақәа мҩаԥган.
"Абри араион аҟны аӡымыҭҟьар леиит ашьыжь, асааҭ быжьба рзы. Ауаа ршәарҭадаразы адәыӷбақәа рныҟәара аанаҳкылеит. Апассаџьырцәа зегьы автомабилтә транспорт ахь ииаагеит. Асааҭ 14:08 рзы амҩа аартын", — иҳәеит Габлиа.
Абри аамҭазы амаршрутқәа Санкт-Петербург-Аҟәа, Москва-Аҟәа рныҟәара аанкылан ҳәа азгәеиҭеит Робестан Габлиа.
