АҞӘА, цәыббра 15 — Sputnik, Бадри Есиава. Аҭыԥантәи аенергокомиссиақәа аԥҵахоит Аԥсны араионқәа зегьы рҟны цәыббрамзазы иҳәеит апресс-конференциаҟны Адгәыр Арӡынба.
"Ҳара ҳҟны акыр иҵарны иқәгылоуп афымцеинергиа ииашамкәа ахархәара. Ҳара уажәы иаԥшьаагеит аҭыԥантәи аорганқәа абри аганахь ала русура асистемаркра. Ареспубликатә енергетикатә комиссиа хада ацхыраара азҭаша араионтә комиссиақәа раԥҵара ҳагәҭакуп", — иҳәеит Арӡынба.
Аминистр иҳәеит араионтә органқәа зегь рахь ашәҟәқәа шынашьҭу абарҭ акомиссиақәа аԥырҵарц азы. Акомиссиақәа шааиҿкаахалак ԥхьаҟатәи аусура шымҩаԥгахаша аҳәаақәҵаразы аизара мҩаԥгахоит ҳәа.
Иара убасгьы дахцәажәеит иахьатәи аамҭазы аҭакԥхықәра зегьы зыдҵаны иҟоу АУН "Амшынеиқәафымцамч" шакәу.
Арӡынба иажәақәа рыла акомиссиақәа аҭыԥқәа рҟны еиҿкаахароуп цәыббра 15 рҟынӡа.
