АҞӘА, цәыббра 18– Sputnik. Атеррористтә гәыԥ "Исламское государство" ахахьы иагеит ахәаша, цәыббра 15 рзы Лондонтәи аметро аҟны иҟалаз атеррористтә акт ҳәа аанацҳауеит Sputnik Беларусь асаит SITE адыррақәа шьаҭас иҟаҵаны.
Аекстремистцәа рактивра аинформациатә маниторинг мҩаԥызго аекспертцәа ргәаанагарала ИГИЛ акоммиуникеқәа руак аҿы иазханаҵеит атерракт мҩаԥызгаз иара адгылаҩҩцәа шракәу.
Уи адагьы аекстремистцәа иазгәарҭеит Лондон аԥжәара ҿыцқәа ҟалар шалшо.
Астанциа Parsons Green аҟны аԥжәара ҟалеит ахәаша ашьыжь. Атеракт иахҟьаны 29-ҩык ахәышәтәырҭақәа рахь инагоуп.
Британиа ду аҟны аҭыԥ змаз атеррористтә акт ашьҭахь ашәарҭара иреиҳау аҩаӡараҟынӡа ихагалоуп.
Рашәара 5 рзы хҩык ахацәа автобус маҷ ала Лондонтәи ацҳаҟны ашьаҟауаа ирыжәлеит, нас аҳәызбақәа кны ауаа ирылалеит. 7-ҩык ҭахеит 50-ҩык ахәышәтәырҭақәа ирҭан.
Америкатәи ашәаҳәаҩ Ариана Гранде лконцерт аҟны имҩаԥгаз атеррористтә акт аан иҭахеит 22-ҩык, ахәрақәа роуит 120-ҩык.
Иҟалаз аԥжәаразы аҭакԥхықәра ахахьы иагеит атеррористтә гәыԥ "Исламское Государство".
Хәажәкыра 22 рзы Лондон иҟалаз атеракт иахҟьаны хәҩык ҭахеит, жәаҩыла ахәрақәа роуит. Атеррорист Халид Масуд ауаа дрылалеит машьынала.
