АҞӘА, цәыббра 28 — Sputnik. Иахьа, Аԥсныи Урыстәылеи рҳәааҟны Приднестровиатәи аделегациа ирԥылеит Аԥсны Ахада ихаҭыԥуаҩ Витали Габниа, Аԥсны Адәныҟатәи аусқәа рминистр Даур Ақаҩба. Абри атәы аанацҳаит атәыла Ахада иофициалтә саит.
Вадим Красносельски Аԥсны даҭааит Аԥсны жәлар Рџьынџьтәылатә еибашьараҟны игаз аиааира 24 шықәса ахыҵра азгәаҭаразтәи ауснагӡатәқәа рылахәразы.
Аԥсны Аҳәынҭқарраҟны иҟоу Приднестровиатәи Молдавиатәи Ареспублика аофициалтә хаҭарнак Гарри Кәпалба иазгәеиҭеит Аԥсни Приднестровиеи рыбжьара аиҩызареи аусеицуреи рзы Аиқәшаҳаҭра анапы шаҵаҩхо, уи адагьы ақалақьқәа Гәдоуҭеи Дубоссары рыбжьара аиашьараз аиқәшаҳаҭрагьы анапы аҵаҩхоит.
