АҞӘА, цәыббра 29— Sputnik. Аԥсны Аминистрцәа Реилазаара Гәлиа Заур Александр-иԥа Аԥсны Аекономика аминистр ихаҭыԥуаҩс иҟаҵаразы ақәҵара аднакылеит цәыббра 27 рзы ҳәа аанацҳауеит Аекономика аминистрра асаит.
Заур Гәлиа диит ԥхынҷкәын 10 1988 шықәса рзы Аҟәа ақалақь аҿы.
2010 шықәса рзы далгеит А.Н. Косыгин ихьӡ зху Москватәи аҳәынҭқарратә абатә университет, аекономикеи амениџьменти рфакультет.
2010 шықәса рзы аусура далагоит ИАЕ "Новороссиисктәи амшын хәаахәҭратә баӷәаза" аинвестициақәа рхылаԥшра аҟәша аекономистс.
2011ш. – Аԥсны Аҳәынҭқарра Аминистрцәа Реилазаара асоциалтәи агуманитартәи зҵаарақәа рыҟәша ареферент; аекономика аҟәша афинанс зҵаарақәа рреферент.
2012ш.–Аԥсны Аҳәынҭқарра арратә мчрақәа рҟны аррамаҵзуҩы.
2012ш.–Аԥсны Аԥыза-министр аштатнҭыҵтәи иабжьагаҩ.
2014ш.–Аԥсны Аминистрцәа Реилазаара аекономика аҟәша афинанс зҵаарақәа рзы ареферент еиҳабы.
2015ш.– Аԥсны Аминистрцәа Реилазаара аекономика аҟәша аиҳабы аамҭалатәи инапынҵақәа неигӡоит.
2015ш.–АУН "Амшынеиқәафымцамч" аекономика аҟәша аиҳабы.
2016 шықәса рзы далгеит Аԥснытәи Аҳәынҭқарратә университет азиндырратә факультет.
