АҞӘА, жьҭаара 3 — Sputnik. Урыстәылатәи Афедерациа Ахада Владимир Путин Америкатәи апрезидент Дональд Трамп адышшыларатә шәҟәы изишьҭит. Ашәҟәаҟны иазгәаҭоуп "жәаҩыла ауаа рыԥсҭазаарақәа ҿахызҵәаз ацәгьоура агәымбылџьбара ҳәашьак узаҭом" ҳәа. Абри атәы аанацҳауеит РИА Новости.
Путин иара убасгьы адашшыларатә ажәақәа рзынеицҳаит иҭахаз рҭаацәа, ахәрақәа зманы иҟоу иаарласны ршьапы иқәгыларц рзеиӷьеишьеит.
Иҭахаз рҭаацәеи рыуацәеи дрыдашшылеит Дональд Трампгьы.
Аҵыхәтәантәи адыррақәа рыла 58-ҩык ҭахеит, 500-ҩык инареиҳаны ахәрақәа рыманы ахәышәтәырҭақәа рахь инагоуп.
