Санкт-Петербургтәи атеатр "Мастерская" РУСДРАМ асценаҿ иқәгылоит

Анапаҵаҩра
НовостиTelegram
Урыстәыла акультура аминстрра апрограмма "Большие гастроли-2017" аҳәаақәа ирҭагӡаны Санкт-Петербургтәи атеатр Аҧсныҟа аара алыршахеит.

АҞӘА, жьҭаара 4- Sputnik, Бадраҟ Аҩӡба. Санкт-Петербургтәи атеатр "Мастерская", Фазиль Искандер ихьӡ зху Аурыс драматә театр аҿы иқәгылоит абҵара 3-4 рзы, абри атәы иҳәеит Аурыс театр адиректор Иракли Хынҭәба Sputnik иаиҭаз аинтервиу аҿы.

"Раҧхьаӡа акәны Аҧсны "Большие гастроли" апрограмма иалоуп, абжьааҧны зегьы иреиӷьу аурыс театрқәа Урыстәыла аҩныҵҟа агастрольқәа мҩаҧыргоит, аха иҟоу аҳәаанырцәтәи апрограммагьы, Аҧсны уа иалоуп", — инациҵеит иара.

Иракли Хынҭәба игәаанагарала ҳтәыла агастрольтә программа иахьалалаз, аҧсуа-аурыс культуратә еимадарақәа рырӷәӷәараҿы иара убас Аҧсны атеатралтә культуратә ҧсҭазаараҿы лагала дууп.

Атеатр "Мастерская" Санкт-Петербург зегь реиҳа изҭаауа акәны иҟоуп, иара аҧҵан ааигәа. Атеатр асахьаркыратә анапхгаҩы Григори Казлов, иреиҳаӡоу атеатралтә ҟазоуп, режиссиоруп, дырҵаҩуп", — еиҭаиҳәеит РУСДРАМ аиҳабы.

Григори Казлов атеатр аҧиҵеит иҵаҩцәа рыла, анаҩс иара ҳәынҭқарратәхеит, зегь реиҳа изҭаауаны иҟалеит.

Спектакль Пять вечеров - закрытие 36 сезона в Русдраме - Sputnik Аҧсны
РУСДРАМ Санкт-Петербург афестиваль иалахәхоит

"Атеатр ақәнаргыло аспектакльқәа рахь абилеҭқәа рыҧшаара даара ицәгьоуп, атеатр агастрольқәа рацәаны иамоуп, избанзар зегьы ааҧхьара арҭоит. Иара Аҧсныҟа аара, аурыс театр аҿы ақәгылара, ҳара ҳзы хҭыс дууп. Агәра згоит ахәаҧшцәа уи аинтерес рызцәырнагап ҳәа", — азгәаиҭеит Хынҭәба.

"Мастеракая" ахәаҧшцәа ирыднагалоит ҩ-қәыргыламҭак, Марк Твен "Том Сойер", Булгаков иажәабжьқәа рыла "Записки юного врача".

"Ақәыргаламҭақәа аҧсуа хәыҧшцәа рзы аинтерс рзаҵахап ҳәа сгәы иаанагоит. Руак зегьы ҳхәыҷы аахыс бзиа иаабо Марк Твен ишәҟәы "Тома Сойер" ауп. Аспектакль иахәыҧшыр рылшоит аиҳабацәа реиԥш,  аашықәса рынахыс зхыҵуагьы. Ақәыргыламҭа дырбахоит абҵара 3 асааҭ 19:00 рзы. Абҵара 4 рзы иқәыргылахоит зегьы реиҳа атеатралтә ҳамҭақәа зоухьоу, хынтә "Золотая Маска" апремиа азы зыӡбахә ҳәоу – аспектакль "Записки юного врача", — инаҵишьит Хынҭәба.

Аурыс театр аиҳабы иҳәеит ақәыргыламҭақәа Санкт-Петербург ишыддырбо еиҧш, ахәаҧшцәа ишрыдгалахо.

"Иаауеит алашареи абжьыи рзы аҟазацәа, адекорациақәеи акостиумқәеи. Ари кыр зҵазкуа атеатралтә культуратә хҭысхоит", — иҳәеит Аурыс театр аиҳабы.

Иракли Хынҭәба иҳәеит атеатр "Мастерская" Аҧсныҟа раара алыршахеит Аҧсныи Урыстәылеи акультура аминстрррақәа ирыбжьоу аиқәшаҳаҭрала.

Ажәабжьқәа зегьы
0