АҞӘА, жьҭаара 5 — Sputnik. Карлес Пучдемон, Каталониа анапхгара Ахада иазгәеиҭеит Испаниа акрал Филипп VI Каталониа ауааԥсыра ргәаанагара аилкаара шиҭахым.
"Ҳара ҳақәшаҳаҭым атәыла Ахада иҟаиҵаз аҳәамҭа. Иара абри азҵаара аганахь ала Мариано Рахоиа ипозициа иадицәылеит, ижәлар ргәаанагара игәаҟынӡа инеимгеит", — иҳәеит Пучдемон ҷыдала иҟаиҵаз аҳәамҭаҟны.
Филипп VI Каталониа аиҳабыра ахьыԥшымразы имҩаԥыргаз ареферендум атәыла Аконституциа еиланагеит ҳәа азиҳәеит. Иара убри аан иазгәеиҭеит Каталониа ауааԥсыра Испаниа адгылара шәнаҭоит ҳәа.
