Терзиан акамертә оркестр Москватәи агастрольқәа ирызкны: ас еиԥш ҟамлацызт

© Sputnik / Томас ТхайцукДавид Терзян
Давид Терзян - Sputnik Аҧсны
Анапаҵаҩра
НовостиTelegram
Аԥснытәи аҳәынҭқарратә камертә оркестр иқәгылоит Москва, жьҭаара 20 инаркны 23- нӡа. Ахәаԥшцәа ирыдыргаларан иҟоуп еиуеиԥшым ԥшь-программак.

АҞӘА. Жьҭаара 16 – Sputnik, Амра Амҷԥҳа.  Аԥсуа аҳәынҭқарратә камертә оркестр Урыстәыла имҩаԥнагараны иҟоу агастрольқәа дахцәажәауа, ас еиԥш ахҭыс ҟамлацызт оркестр аҭоурых аҟны, иҳәеит Аԥсны зҽаԥсазтәыз артист Давид Терзиан.

"Аибашьра ҟалаанӡеи иара уи ашьҭахьтәи оркестр аҭоурых ҳалацәажәозар, раԥхьаӡа акәноуп Москва уи агастрольқәа анымҩаԥнаго. Апрограмма даара ицәгьоуп — ԥшьба еиуеиԥшым аконцертқәа, еиуеиԥшым аҭыԥқәа рҿы", — азгәаиҭеит Терзиан.

Агастрольқәа ирылагоит жьҭаара 20 рзы, аконцерт аҿы ахәаԥшцәа ирыдыргалоит афранцыз композиторцәа —Пуленко, Бизе, Легран раԥҵамҭақәа.

"Жьҭаара 20 рзы имҩаԥсуеит афилармониа асолист Лука Гаделиа иконцерт. Аҩбатәи амш аҽны, жьҭаара 22 рзы ҳахәмаруеит Моцарт "Реквием", иқәгылоит афилармониеи акамертә оркестри асолистцәа Нана Черқьезиаԥҳаи, Алхас Ферзбеи. Пушикин имузеи аҿы имҩаԥгахоит аконцерт "Сказки Венского леса", ахәаԥшцәа ирыдаагалоит Моцарт, Бетховен, Штраус рҩымҭақәа. Жьҭаара 23- ажурналситцәа рыҩнаҿы, иқәгылоит Спиваков ифонд ахәыҷқәеи, аԥсуа солистцәеи, Каиа Хупориеи, Мариа Терзиан-Ҳагбеи, изныкымкәа Чичба ихьӡ зху аконкурсқәа иалауреатхахьоу. Ҳара хымԥада инаҳагӡоит аԥсуа аԥҵамҭақәагьы — "Шьышь-нани", "Ахра ашәа"", — иҳәеит оркестр анапхгаҩы.

Давид Терзиан иажәақәа рыла, мчыбжьык ахь фымш оркестр аҽазыҟаҵарақәа ирҿуп.

"Аныҳәатә гәалаҟазаара ҳамоуп, иҟаларызеишь ҳәа ҳаԥшуп. Даҽа ганкахьала мчыбжьык ахь фымш аҽазыҟаҵарақәа рымҩаԥгара уарааԥсоит, еишьҭаргылан ԥшь-программак аус рыдулара ус имариам. Арҭ агастрольқәа шыҟалоз ҳаздыруамызт, Акультура аминистрра иҭабуп ҳәа расҳәоит адгылара ахьҳарҭаз, ҳазлацаша ахьырыԥшааз", — инаҵишьит иара.

Джения Эсма - Sputnik Аҧсны
Арадио
Есма Џьениаԥҳа: Москватәи аконцертқәа рахь абилеҭқәа бзиан иаархәоит

Акамертә оркестр асахьаркыратә напхгаҩы дақәгәыӷуеит аконцертқәа рҿы ауаа рацәахап ҳәа, имоу аинформациа ала абилеҭқәа зегьы аахәоуп.

"Сара издыруеит х-концерт рахь абилеҭқәа зегьы шыҭиу, иадҵаало рацәаҩуп. Аԥшьбатәи аконцерт аҿы ааԥхьара рымоуп ҳдиаспора, аҩызцәа, ауацәа", — иҳәеит Давид Терзиан.

Терзиан иазгәаиҭеит, артистцәа лассы-лассы џьара ицалар шаку, уи анаҩс рҟазара аҳаракразы цхыраагӡа дуухоит.

Аԥсуа ҳәынҭқарратә камертә оркестр Москва агастрольқәа рыман иқәгылоит жьҭаара 20 инаркны 23-нӡа.

Ажәабжьқәа зегьы
0