АҞӘА, жьҭаара 23 — Sputnik. Каир азааигәаратәи араион Ель-Вахат аҟны атеррористтә гәыԥи дареи реидыслараан иҭахеит 54-ҩык аполициа аусзуҩцәа. Абри атәы аанацҳауеит РИА Новости.
"Атеррористтә гәыԥи дареи реидыслараан иҭахеит 54-ҩык аполициа аусзуҩцәа. Урҭ рҟынтәи 20-ҩык аофицарцәа" ҳәа иҳәоит атәыла ашәарҭадаратә маҵзура ахаҭарнак.
Иара убасгьы иҳәеит уажәазы аиҿагылара хыркәшаны аполициауаа араион акәша-мыкәша атеррористцәа рҟынтәи арыцқьара ишаҿу.
Уаанӡатәи адыррақәа рыла ахәашаҽны аполициауаа араион ацәҳәыра ҭыԥ аҿы зҽыҵәахны иҟаз атеррористтә гәыԥ рықәгаразы аоперациа мҩаԥыргон. Атеррористцәа Египет еиҳа ашәарҭара зҵоу агәыԥқәа рахь иаҵанакуан.
Уахь инеиз аполициауаа иаразнакы бџьармцала ирԥылеит.
Ахархәара рыҭан РПГ аҩыза ахысга бџьарқәагьы.
