"Эхо Москвы" ажурналистка илықәлеит

Анапаҵаҩра
НовостиTelegram
Ажурналистка ахәышәтәырҭахь днагоуп, илықәлаз ацәгьоуҩы даанкыланы азинхьчаратә органқәа рахь днагоуп.

АҞӘА, жьҭаара 23 — Sputnik. Москватәи арадиостанциа "Эхо Москвы" Татиана Фельгенгауер ҩызбаҭыхла илықәлеит. Ақәылара зуз ахаҵа ажурналистка лыхәда аҳәызбала дасит. Абри атәы Twitter аҟны идаҟьаҿы ианиҵеит "Эхо Москвы" аредактор хада Алексеи Венедиктов.

Ацәгьа зуз даанкыланы аполициа дрыҭоуп. Аҵыхәтәантәи адыррақәа рыла ақәылар зуз ихала дыҟан, ацәгьоура мзызс иамазгьы хаҭалатәи аизыҟазаашьақәа роуп.

Ажурналистка ацхыраара ласы амашьынала ахәышәтәырҭахь дыргеит. Уи лыԥсҭазаара шәарҭа амам.

Татиана Фельгенгауер 32 шықәса лхыҵуеит. "Эхо Москвы" аҟны аус луеит 10 шықәса инарзынаԥшуа. Апрограммақәа разырхиареи рымҩаԥгареи рыдагьы лара арадиостанциа редактор хада ихаҭыԥуаҩыс дыҟоуп. Матвеи Ганапольскии лареи еицымҩаԥыргоит апрограмма "Утренний разворот", апрограмма "Особое мнение" асасцәа дрыҿцәажәоит

Ажәабжьқәа зегьы
0