Аԥсны Аҳәынҭқарратә камертә оркестр Москвантәи ихынҳәит

© Sputnik / Томас ТхайцукПресс-конференция о гастролях камерного оркестра в Москве
Пресс-конференция о гастролях камерного оркестра в Москве - Sputnik Аҧсны
Анапаҵаҩра
НовостиTelegram
Аԥсны Аҳәынҭқарратә камертә оркестр Москватәи агастрольқәа ирызкыз апресс-конференциа мҩаԥысит жьҭаара 25 рзы Sputnik Аԥсны амультимедиатә пресс-центр аҟны.

АҞӘА, жьҭаара 25 – Sputnik, Амра Амҷԥҳа. Кәапеишәа иҭәыз азалқәа, еихымсыӷьуаз анапеинҟьабжьқәа, ақәгылара ссирқәа – абар Аԥсны Аҳәынҭқарратә камертә оркестр Москватәи агострольқәа рылҵшәақәа иҳәеит оркестр анапхгаҩы Аԥсны Аҳәынҭқарратә камертә оркестр Москватәи агострольқәа ирызкыз апресс-конференциаҟны. Аконференциа мҩаԥысит жьҭаара 25 рзы Sputnik Аԥсны амультимедиатә пресс-центр аҟны.

"Аԥсны Аҳәынҭқарратә камертә оркестр Москватәи агострольқәа Аԥсни Урыстәылеи рзы ишыхҭыс дууз еиԥш, ихҭыс духеит ҳара амузыкантцәа зегьы ҳзы" — иҳәеит Аԥсны Аҳәынҭқарратә камертә оркестр анапхгаҩы, адирижиор хада Давид Терзиан.

Иара иажәақәа рыла аоркестр амузыкантцәа аԥхьа агәра ргомызт агастрольқәа мҩаԥысып ҳәа.

"Дара ргәы иаанагон ааԥхьара башажәак еиԥшхап ҳәа, аха нас агәра ргеит. Зегь раасҭа агәыхыҭхыҭра аман раԥхьатәи аконцерт. Ҳақәгылара ашьҭахь ҳгәырӷьаҵәа ҳаигәыдибаҳәҳәалон. Аҩбатәи амш азы Моцарт и-"Реквием" наҳагӡон. Азал уаала иҭәын" — еиҭеиҳәоит Давид Терзиан.

Агастрольқәа раан аԥсуа оркестр иацықәгылеит Москватәи Аҳәынҭқарратә копеллагьы. Акопелла анапхгаҩы, адирижиор хада Анатоли Судаков иажәақәа рыла аколлективқәа ԥшь-концертк еицымҩаԥыргеит.

"Сара сгәаанагарала агастрольқәа афестиваль ҳәа рхуҳәаар алшоит. Аконцертқәа ирыдыԥхьалан Аԥснытәи афилармониа асолистцәа, Москватәи Аҳәынҭқарратә копелла, акәашаратә шоу, амультимедиатә проект, Владимир Спиваков ижәларбжьаратә гәыҳалалратә фонд, афонд "Бельканто" — иҳәеит Судаков.

Давид Терзиан инаҵшьны иазгәеиҭеит Аҳәынҭқарратә камертә оркестри Москватәи Аҳәынҭқарратә копеллеи реицықәгылара.

"Амузыкантцәа рпрофессионализм ҳаракӡоуп. Аҽазыҟаҵара ҷыдагьы рҭахым. Реинырра ссируп" — иҳәеит иара.

Афонд "Бельканто" еиҿнакааит ишиашоу ицо аконцертқәа рырбара.

Джения Эсма - Sputnik Аҧсны
Арадио
Есма Џьениаԥҳа: Москватәи аконцертқәа рахь абилеҭқәа бзиан иаархәоит

"Аконцертқәа зегьы ҩаӡара ҳаракыла имҩаԥысит. Даара ибзианы ҳрыдыркылон. Ҳара зегьы акыр ҳгәы хыҭ-хыҭуан. Анатоли Судаков Аԥсны бзиа ибоит. Ишилшо алагьы ацхыраара ҟаиҵоит" — иҳәоит Терзиан, Судаков агастрольқәа реиҿкаара иаиҭаз ацхырааразы ҭабуп ҳәа ҳәо.

Аԥсны Аҳәынҭқарратә камертә оркестр адиректор Елена Ҳагԥҳа Аԥсны акультуратә ԥсҭазаразы агастрольқәа аҵак дуӡӡа рыман, иналукааша хҭысын ҳәа лҳәеит.

Ҳагԥҳа еиҭалҳәеит агастрольқәа ирылахәыз Аԥсны ахаҭарнакцәа қәыԥшцәа, апианиноарҳәаҩы Каиа Хәупориеи аскрипкарҳәаҩы Мариа Терзиан-Ҳагбеи рыӡбахәгьы.

"Дара рзы ҳгастрольқәа хәызмаӡам ԥышәан. Иҳәатәуп даараӡа ибзианы ишықәгылаз. Даар ирыцықәгылеит Спиваков ифонд алахәылацәа хәыҷқәа. Ҳаар ҳмузыкантцәа қәыԥшцәа рзы уи акраҵанакуеит" — лҳәеит лара.

Акамертә оркестр ахапанагӡаҩ Асҭамыр Кәыҵниа иазгәеиҭеит имҩаԥысыз агастрольқәа ишыҟарҵаз алшара аҳәаанырцәа ҳартистцәа рхаарԥшразы.

Давид Терзян - Sputnik Аҧсны
Терзиан акамертә оркестр Москватәи агастрольқәа ирызкны: ас еиԥш ҟамлацызт

"Москва ахәаԥшҩы даара ҳаҭыр ақәиҵоит аклассикатә музыка. Ибзиангьы идыруеит. Аклассикатә музыка инаваргыланы ҳара инаҳагӡон аԥсуа рҿиамҭақәагьы. Даара агәахәара снаҭеит москватәи азыӡырыҩцәа жәпаҩык аконцертқәа рышьҭахь иааины аԥсуа музыка агәышьҭыхра ду ҳнаҭеит ҳәа анҳарҳәоз" — иҳәеит Кәыҵниа.

Аԥсны Аҳәынҭқарра Аҳәынҭқарратә камертә оркестр аԥхьатәи агастрольқәа мҩаԥысит Москва, жьҭаара 20-22 рзы.

Ажәабжьқәа зегьы
0