АҞӘА, жьҭаара 26 – Sputnik, Амра Амҷԥҳа. Адомино азы Аԥснытәи акоманда ачемпионат аҟны иқәгылоит ххәҩык аспортсменцәа аилазаара иаланы.. абри атәы Sputnik акорреспондент илзеиҭеиҳәеит Виллемстаднтәи ҭелла ҳкоманда алахәыла Алмас Габуниа.
Аԥсны ахьӡала ачемпионат аҟны иқәгылоит: Аслан Бганба, Рудольф Лолуа, Ҭемур Лакербаиа, Иура Еник, Алмас Габуниа.
"Жьҭаара 22 рзы алахәылацәа аизара иалагеит. Уаҵәы инаркны атурнир аартхоит. Жьҭаара 23-24 рзы имҩаԥысит апрезидентцәа рассамблеиа. Иараҟны далырхит Жәларбжьаратәи адомино афедирациа апрезидент ҿыц – Мануель Окендо", — иҳәеит Габуниа.
Жьҭаара 25 рзы имҩаԥысит ачемпионат аартра, жьҭаара 26 инаркны ахәмаррақәа мҩаԥыслараны иҟоуп.
Адомино азы адунеи ачемпионат мҩаԥысуеит Нидерланды, ақалақь Виллемстад аҟны жьҭаара 22-29 рзы. Ачемпионат алахәаразы азыҳәақәа нарышьҭит 500-ҩык аспортсменцәа.
