АҞӘА, абҵара 20— Sputnik. Адунеизегьтәи агәабзиарахьчара аиҿкаара (ВОЗ) 2017-2018 шықәсқәа рзы иазыԥшуп "Гонконгский птичьи грипп" (А/H3N2), "Брисбен" (В), "Мичиган" рыштаммқәа цәырҵуеит ҳәа. Абри атәы аанацҳауеит Sputnik Молдова.
"Гонконгский птичий" (А/H3N2), "Брисбен" (В) уаанӡагьы ицәырҵхьаз, ирдыруа штаммқәоуп. Амутант ҿыц "Мичиган" урҭ иреиԥшӡам, еиҳа ишәарҭоуп ҳәа ирыԥхьаӡоит.
Асезонтә еимҳәаан дасу еиуеиԥшымкәа рхы мҩаԥыргоит. Џьоукы аҳақьым идҵаалоит, антибиотикқәа ржәуеит, аҽа џьоукы жәлар рмедицина еиҳа еиӷьны ирыԥхьаӡоит: ацха, аџыш, алимон, ауатка уҳәа аԥыжәара рырҭоит.
Аҳақьымцәа-аинфекционистцәа ракәзар, жәлар рмедицина рацәак агәра ргом.
Азанаҭуаа иазгәарҭоит ицәырҵран иҟоу аштамм зынӡакс ацәшәара аҭахны иҟам, избанзар уаанӡатәи аимҳәақәа ирыхҟьаны ауаҩытәыҩса иорганизм аимҳәа аҿагылара алшоит ҳәа.
Аҿкы аҽацәыхьчара злымшаз, аҳақьымцәа рахь инеироуп, ҳаамҭазтәи ахәшәқәа рхы иадырхәароуп.
"Антибиотикқәа хылаԥшрада рыжәра ҟалом. Зегьы ишәаны-изаны иҟазароуп", — рҳәоит аҳақьымцәа.
