АҞӘА, абҵара 22 – Sputnik, Сариа Кәарацхьелиаԥҳа. Ԥхынҷкәын 1 азы, Москва, Диана Воуԥҳа лусумҭақәа Катиа Гердт лҟазарҭаҿы ицәыргақәҵахоит.
"Ацәыргақәҵа "Адинамикатә симметриа" аҟны ицәыргахоит 2010 шықәсатәи агеометриатә абстракциа асериа. Ари ахырхарҭа сара аханатәгьы еиҳа снапы злаку ируакуп" ҳәа еиҭалҳәоит Диана Воуԥҳа.
Асериа "Адинамикатә симметриа" аҟны асахьаҭыхыҩ ахархәара рылҭоит агеометриатә формақәа, зыҟны итема хаданы иҟало аԥшькәакь апластикатә лшарақәа.
Ацәыргақәҵа аус ауеит есыҽны ԥхынҷкәын 1 инаркны ԥхынҷкәын 14 рҟынӡа.
Диана Воуԥҳа диит Тҟәарчал ақалақь аҟны. Диана хышықәса анылхыҵуаз лҭаацәа нхараҳәа Очамчыраҟа ииасит. Асахьаҭыхра лгәы аҳәо дҟалеит фышықәса анылхыҵуаз. Уажәы лара Москва дынхоит. Имҩаԥылгахьеит ҩынҩажәа рҟынӡа цәыргақәҵа.
