Амузыкант Константин Орбелиан Хворостовски аҵыхәтәанынӡа иааигәара дыҟан

© Sputnik / Евгения Новоженина / Амедиаҵәахырҭахь аиасраКонцерт оперного певца Дмитрия Хворостовского
Концерт оперного певца Дмитрия Хворостовского - Sputnik Аҧсны
Анапаҵаҩра
Еицырдыруа адирижер, апианист Константин Орбелиан Хворостовски иԥсҭазара аҵыхәтәантәи асааҭқәа дрылацәжәоит.

АҞӘА, абҵара 23— Sputnik. Дмитри Хворостовски ихаҭагьы, иҟаиҵозгьы акы иалаҩашьомызт ҳәа РИА Новости иазеиҭеиҳәеит адирижер, амузыкант Константин Орбелиан.

"Хворостовски еиԥш зеиԥшыз дмаҷын. Анцәа иара деиқәиршәеит ԥшра-сахьала, ҟазарыла, иуникалтәу бжьыла, музыкатә ҟыбаҩла. Иааҟаиҵоз зегьы 100 процентк иныҭкааны иҟаиҵон. Иацы ахәылбыҽха сыҟан. Иҭаацәагьы неины иҟан. Иара ашамҭазы инарцәмҩа дықәлеи" ҳәа еиҭеиҳәоит Орбелиан.

Иара убасгьы иазгәеиҭеит Хворостовскии иареи шеицықәгылалоз аконцертқәа раан, ишеиҩызцәа бзиаз..

"Дима иааҟаиҵоз зегьы ҟаҵан, иун. Иарбан концертзаалак ҷыдан, уаанӡатәик еиԥшымызт. Ибзиабара ду изыӡырыҩцәа ирзишон", — иҳәоит амузыкант.

Хворостовски акыршықәса ачымазара бааԥсы ицәа иалан. 2015 шықәса рзы иара аҳәамҭа ҟаиҵеит ихшыбаҩ ачыра амоуп ҳәа. Артист аҵыхәтәантәи аамҭақәа рзы Лондон дынхон.

Пресс-конференция оперной певицы Хиблы Герзмава - Sputnik Аҧсны
Хьыбла Гьерзмааԥҳа лықәгылара Хворостовски игәалашәара иазылкуеит

1989 шықәса рзы Би-би-си ателехәаԥшратә конкурс, Кардифф (Великобританиа) ақалақь аҟны имҩаԥысуаз, "Адунеи ашәаҳәаҩ" аҿы "Иреиӷьу абжьы" ҳәа иигаз аиааира ашьаҭхь адунеи аҿы деицырдыруа дҟалеит. Ниццатәи (Франциа) Nice Opera аҟны Петр Чаиковски иопера "Пиковая Дама" аҟны иқәгылара ашьаҭхь Дмитри Хворостовски днарыԥхьо иалагеит адунеи иреиӷьу атеатрқәа, афестивальқәа рахь.

Урҭ иреиуан: атеатр Ковент-Гарден (Лондон, Великобританиа), Метрополитен-опера (Ниу-Иорк, (США), Парижтәи аопера (Франциа), Бавариатәи аҳәынҭқарратә опера (Миунхен, Германиа), Ла Скала (Милан, Италиа), Венатәи аҳәынҭқарратә опера (Австриа), Зальцбургтәи афестиваль (Австриа).

Ажәабжьқәа зегьы
0