Хворостовски иԥсҭазаара даналҵ ашьҭахь Grammy аноминантс ихьӡ рҳәеит

© Sputnik / Руслан Кривобок / Амедиаҵәахырҭахь аиасраДмитрий Хворостовский, архивное фото
Дмитрий Хворостовский, архивное фото - Sputnik Аҧсны
Анапаҵаҩра
Аоператә шәаҳәаҩы Дмитри Хворостовскии адирижер Константин Орбелиани Grammy аноминантцәа ҳәа рыхьӡ ҳәоуп аноминациа "Лучший классический вокальный сольный альбом"азы.

АҞӘА, абҵара 29 — Sputnik. Урыстәылатәи аоператә шәаҳәаҩы Дмитри Хворостовски иԥсҭазаара даналҵ ашьҭахь Америка иреиҳау амузыкатә премиа Grammy Awards аноминантс ихьӡ рҳәеит. Абри атәы аанацҳауеит РИА Новости.

Прощание с оперным певцом Дмитрием Хворостовским - Sputnik Аҧсны
Шәҩыла ауаа Дмитри Хворостовски абзиараз ҳәа иаҳәара инеит

Аоператә шәаҳәаҩы Дмитри Хворостовскии адирижер Константин Орбелиани Grammy аноминантцәа ҳәа рыхьӡ ҳәоуп аноминациа "Лучший классический вокальный сольный альбом" аҿы, Сергеи Есенин иажәеинраалақәа ирылху адиск "Свиридов: Отчалившая Русь" азы.

Хворостовски иԥсҭазаара далҵит абҵара 22 рзы, Лондон, 56-шықәса дшырҭагылаз.

Аиубилеитә, 60-тәи аԥхьахә ранашьара ацеремониа мҩаԥысуеит Ниу-Иорк, Madison Square Garden асценаҿы, ажьырныҳәа 28 2018 шықәса рзы.

Ацеремониа ателеканал CBS ала иддырбоит.

Певец Дмитрий Хворостовский - Sputnik Аҧсны
Хворостовски абзиараз ҳәа иаҳәара арыцхә шьақәыргылоуп

Дмитри Хворостовски 1989 шықәса рзы Би-би-си ателехәаԥшратә конкурс, Кардифф (Великобританиа) ақалақь аҟны имҩаԥысуаз, "Адунеи ашәаҳәаҩ" аҿы "Иреиӷьу абжьы" ҳәа иигаз аиааира ашьҭахь адунеи аҿы деицырдыруа дҟалеит. Ниццатәи (Франциа) Nice Opera аҟны Петр Чаиковски иопера "Пиковая Дама" аҟны иқәгылара ашьҭахь Дмитри Хворостовски днарыԥхьо иалагеит адунеи иреиӷьу атеатрқәа, афестивальқәа рахь.

Урҭ иреиуан: атеатр Ковент-Гарден (Лондон, Великобританиа), Метрополитен-опера (Ниу-Иорк, (США), Парижтәи аопера (Франциа), Бавариатәи аҳәынҭқарратә опера (Миунхен, Германиа), Ла Скала (Милан, Италиа), Венатәи аҳәынҭқарратә опера (Австриа), Зальцбургтәи афестиваль (Австриа).

Ажәабжьқәа зегьы
0