АҞӘА, ԥхынҷкәын 12 — Sputnik. Москватәи арегион аҟны ФСБ аоперациа ҷыда амҩаԥгараан Азиа гәҭатәи атәылақәа рҟынтәи Ашықәс ҿыц азы атеррактқәа рымҩаԥгара зыгәҭакуп ҳәа ишьоу ауаа аанкылан. Абри атәы аанацҳауеит РИА Новости, Амилаҭтә антитеррористтә еилакы аиҳабы Александр Бортников иажәақәа шьаҭас иҟаҵаны.
"Иацы, Москватәи арегион аҟны ФСБ аоперациа ҷыда амҩаԥгараан Азиа гәҭатәи атәылақәа рҟынтәи Ашықәс ҿыц ази атәыла Ахада иалхрақәа раани атеррактқәа рымҩаԥгара зыгәҭакуп ҳәа ишьоу ауаа аанкылан. Атеррористцәа ирыдбалан еиуеиԥшым арԥжәагатә шьақәгылақәа, абџьар, аџьаԥҳаны", — иҳәеит Бортников.
Урыстәыла Ахада изаамҭанытәиу иалхрақәа мҩаԥысраны иҟоуп 2018 шықәса, хәажәкырамзазы.
