Атехника аганахь ала уадаҩра ыҟам, қәрала акыр ишнықәсхьоугьы аус ауеит, иҳәоит анаплакы адиректор Роман Ҷкадуа.
"Еизгоу ачаи аус адуларазы иҳашьҭуеит. Иҳагәҭакуп зықь-тонна рҟынӡа ачаибӷьы аҿыхра. Аԥхынразы ацәаакыра аиур еиҳагьы еиҳахар ҟалоит", — иҳәоит иара.
Зытрактор аремонт азура иаҿыз аусуҩцәа руаӡәк иҳәоит: "Аус умур аӡәгьы акгьы уиҭом" ҳәа. Уажәазы ачаи ахыхраҿ ахархәара рымоуп атракторқәа фба.
"Ҳәарада, амыругақәа акыр инықәсхьеит. Аамҭа бзиак ҟалар, аҳәынҭқаррагьы ҳацхраауазар акәхап. Ҳаамҭа иақәшәо амашьынақәа ҳаур бзиан", — иҳәоит Ҷкадуа.
Иара иажәақәа рыла атәыла Ахада ипрограмма инақәыршәаны ачаи аусхк аиҭашьақәыргылара иаҿуп. Очамчыра араион иахьаҵанакуа 800 гектар рҟынӡа еиҭашьақәургылар алшоит.
Ачаи напыла ианҿырхуаз аахыс аамҭақәа акыр шцахьоугьы ус хьанҭоуп
Ачаи ҿырхуеит амра анкацеиуагьы
Ачаи аусхк аҿиара апрограмма инақәыршәаны 2017 шықәса рзы 150 гектар рҟынӡа ачаи плантациақәа еиҭашьақәыргылоуп
Иҿырхыз ачаи машьынала афабрикахь иргоит
Машьынак аҭарцәразы сааҭыбжак рҟынӡа аамҭа аҭахуп
Арԥшшара аҟәша. Араҟа ачаи мышқәак ирзышьҭоуп
Ароллертә цех. Ирԥшшоу ачаи абрахь иаарышьҭуеит. Уи ара ирхыхуеит
Аххра ашьҭахь иара шә-градуск рҟынӡа ашоура ахьыҟоу арҩара иахрыжьуеит
Кәтолтәи ачаи фабрика аусзуҩ
Кәтолтәи ачаи фабрикаҿы иаздырхиахьеит 20 тонна аалыҵ
Аилыхырҭатә цех Кәтолтәи ачаи фабрикаҿы
12/12
© Sputnik / Томас Тхайцук
Аилыхырҭатә цех аусзуҩы
