АҞӘА, ԥхынҷкәын 19 — Sputnik. Анапы зҵаҩу аиқәшаҳаҭра иазыԥхьагәанаҭоит адипломшьҭахьтәи аҵареи аҭҵаарадырратә усеицуреи. Абри атәы аанацҳауеит Аԥсны Агәабзиарахьчараа министра апресс-маҵзура.
Аҵак ду змоу абри адокумент рзырхоуп Аԥсны азы амедицинатә занааҭуаа разыҟаҵара, агәабзиарахьчара асистема ареформақәа азура, амедицинаҿы аҿыцрақәа ралагалара.
"Аиқәшаҳаҭра анагӡара уажәнатә иалагоуп. Амедицинатә Академиа аҟазауаа имҩаԥыргахьеит аԥсуа медикцәа рдыррақәа реизырҳаразы ҩ-курск. Урҭ ара аҭыԥ аҟны имҩаԥыргон ркурсқәа", — иҳәеит аминистр.
Иааиуа ашықәс азы иазыԥхьагәаҭоуп асеиԥш иҟоу акурсқәа рыцҵара. Урҭ рыдагьы иазыԥхьагәаҭоуп апрограммақәа реицымҩаԥгара. Урҭ ируакуп Аԥсны аҭҵаарадырра-практикатә конференциа аицымҩаԥгара ҳәа аанацҳауеит апресс-маҵзура.
