Кандид Ҭарба ихьӡ зху жәлар рыкәашара аҳәынҭқарратә ансамбль "Кавказ" аҳасабырбатә концерт ахәаԥшра афилармониахь инеиз зегьы аазымкуа аҟынӡа азал кәапеишәа иҭәын. "Кавказ" абзиабаҩцәа азыхиан итәаны акәымкәа игыланы аконцерт ахәаԥшра.
Аконцерт иазкны инарҭбаау ажәабжь шәаԥхьар шәылшоит абра>>
2017 шықәса иҭагӡаны ансамбль "Кавказ" Аԥсныи иара анҭыҵи 30 рҟынӡа концерт мҩаԥнагеит. Аԥсуа кәашаҩцәа еиуеиԥшым урыстәылатәи ақалақьқәа руааԥсыра иддырбон аԥсуа жәлар рҟазара, рыкәашарақәа.
1/12
© Sputnik / Томас Тхайцук
"Кавказ" абзиабаҩцәа азыхиан итәаны акәымкәа игыланы аконцерт ахәаԥшра.
2/12
© Sputnik / Томас Тхайцук
2017 шықәса иҭагӡаны ансамбль "Кавказ" Аԥсни иара анҭыҵи 30 рҟынӡа концерт мҩаԥнагеит. Аԥсуа кәашаҩцәа еиуеиԥшым урыстәылатәи ақалақьқәа руааԥсыра иддырбон аԥсуа жәлар рҟазара, рыкәашарақәа.
3/12
© Sputnik / Томас Тхайцук
Ражьден Гәымба ихьӡ зху Аԥснытәи аҳәынҭқарратә филармониаҟны имҩаԥысит Кандид Ҭарба ихьӡ зху жәлар рыкәашара аҳәынҭқарратә ансамбль "Кавказ" аҳасабырбатә концерт.
4/12
© Sputnik / Томас Тхайцук
Ансамбль асолистцәа Ҭамила Џьалаӷаниаԥҳаи Ҭимур Аргәыни рынагӡара рыԥсы ӡаны иазыԥшуан ахәаԥшыҩцәа.
5/12
© Sputnik / Томас Тхайцук
Ансамбль арепертуар аҿы акыр шықәса раахыс иҟоуп адыга жәлар рыкәашара "Исламеи" . Ари акәашара еиҳарак иахьынарыгӡо ачарақәа рҟноуп. Ансамбль асолистцәа Ҭамила Џьалаӷаниаԥҳаи Ҭимур Аргәыни рынагӡара рыԥсы ӡаны иазыԥшуан ахәаԥшыҩцәа.
6/12
© Sputnik / Томас Тхайцук
Асценаҟны алирикатә кәашара назыгӡоз аҭыԥҳацәа рцынхәрас мацәысеимҟьараны иаацәырҵуеит арԥарацәа.
7/12
© Sputnik / Томас Тхайцук
"Кавказ" апрограмма иалоуп Ҭырқәтәыла еиқәырханы ирымоу аԥсуа кәашара. Уи иахьагьы ҳдиаспора рныҳәақәеи рчарақәеи рҟны инарыгӡоит.
8/12
© Sputnik / Томас Тхайцук
"Улаԥш рыхьӡом ианыкәашо. Ишԥарылшои" - лхы дазҵаауеит ахәаԥшҩы Асида.
9/12
© Sputnik / Томас Тхайцук
Ансамбль "Кавказ" адоулистцәа ракәзар иахәаԥшуаз дыршанхон.
10/12
© Sputnik / Томас Тхайцук
Ансамбль "Кавказ" ахәыҷқәа еидызкыло ахореографиатә студиа алахәылацәа ракәзар аиҳабацәа иаарымакуа асцена дырԥшӡон, ахәаԥшцәа агәахәара рырҭон. Урҭгьы напеинҟьарыла имҩаԥыргон агәышьҭыхра ду ззыруз ахәаԥшыҩцәа.
11/12
© Sputnik / Томас Тхайцук
Ахәаԥшцәа рахь ицәырҵит ансамбль артистцәа, ансамбль асахьаркыратә напхгаҩы, адиректор, "Ахьӡ-Аԥша" ("Честь и Слава") аорден III аҩаӡара занашьоу, Аԥсны жәлар рартист Арвелод Ҭарба раԥхьа дыргыланы. Иара ҭабуп ҳәа реиҳәеит ансамбль аконцерт иахәаԥшырц арахь иааиз зегьы.
12/12
© Sputnik / Томас Тхайцук
Аихшьалатә концерт апрограмма аартын "Аԥсны-ныҳәа" акәашара ала. Аномер асолистцәа Мальвина Воуԥҳаи Омар Ҭарбеи ԥсаатәшәа асцена иқәын.
