Аԥсны Ахада есышықәсатәи инашьҭымҭаҿ атәыла аҭагылазаашьа далацәажәоит

© Sputnik / Томас ТхайцукРауль Хаджимба
Рауль Хаджимба - Sputnik Аҧсны
Анапаҵаҩра
НовостиTelegram
Аԥсны Жәлар реизара – Апарламент ахь Аԥсны Ахада есышықәсатәи инашьҭымҭаҿы далацәажәоит атәылаҿ иҟоу аҭагылазаашьа, аҳәынҭқарра аҩныҵҟатәии адәныҟатәии политика ахырхарҭақәа, аекономика, атәылахьчара, агәабзиарахьчара, аҵара, акультура, аенергетика, атуризм уҳәа рҟны иқәгылоу азҵаарақәа.

АҞӘА, ԥхынҷкәын 20— Sputnik, Бадраҟ Аҩӡба, Амра Амҷԥҳа. Аԥсны Ахада Рауль Ҳаџьымба Аԥсны Жәлар реизара – Апарламент ахь есышықәсатәи анашьҭымҭа ҟаиҵеит.

Жәлар Реизара аиҳабы иазгәеиҭеит аизара ишалахәы апарламент адепутатцәа реиҳараҩык.

Атәыла Ахада ашықәс аихшьаалақәа ҟаҵаны 2018 шықәсазтәи аусқәа дрылацәажәоит. Далацәажәараны дыҟоуп атәылаҿ иҟоу аҭагылазаашьа, аҳәынҭқарра аҩныҵҟатәии адәныҟатәии политика ахырхарҭақәа, аекономика, атәылахьчара, агәабзиарахьчара, аҵара, акультура, аенергетика, атуризм уҳәа рҟны иқәгылоу азҵаарақәа.

Ари, Аԥсны Ахада Апарламент ахь аҩбатәи инашьҭымҭоуп. Актәи инашьҭымҭаан, 2016 шықәса рзы, иара иазгәеиҭеит 2015 шықәса рзы анапы шрыҵаҩыз 15 ҳәынҭқаррабжьаратә, еиҳабырабжьаратә, усбарҭабжьаратә еиқәышаҳаҭра.

Усҟан иара аԥсуа-аурыс еизыҟазаашьақәа рҟны ихадараны иаликааит урҭ аизыҟазаашьақәа рырӷәӷәара, жәларбжьаратәи азхаҵара аус адулара, евразиатәи аинтеграциа ахалархәра, асоциал-економикатә ҿиаразы аҭагылазаашьа маншәалақәа раԥҵара, агуманитартә ҿиара.

Иара убасгьы дазааҭгылеит ареспублика аҳәаанырцәтәи аинвестициақәа радыԥхьалара хра аманы ишаԥхьаӡо атәы.

Ажәабжьқәа зегьы
0